పుత్తడి బొమ్మలా ఉందీ సైజ్‌ జీరో

అనుష్క సైజ్‌ జీరో ప్రచారం పీక్స్‌ లో ఉందిప్పుడు. దర్శకుడు ప్రకాష్‌ కోవెలమూడి రోజుకో పోస్టర్‌ చొప్పున రిలీజ్‌ చేస్తూ ప్రణాళిక ప్రకారం పబ్లిసిటీ చేస్తున్నాడు. ఇప్పటికే నాలుగు పోస్టర్లు రిలీజయ్యాయి. ఇదిగో ఈరోజు ఐదో పోస్టర్‌ ని కూడా వదిలాడు. ఈ పోస్టర్‌ లో అనుష్క, ఆర్య పెయిర్‌ అదరహో అన్నట్టే కనిపిస్తోంది. ఆర్య బుద్ధిమంతుడిలా వీడియో కెమెరాలో వీడియోని చెక్‌ చేస్తున్నాడు. అతడిని ఆటపట్టించే పుత్తడిబొమ్మలా అనుష్క ఏం చేస్తోందో మీరే ఈ పిక్‌ లో చూడండి.

చెవులకు జూకాలు, నుదిటిన పాపిడి బొట్టు పెట్టుకుని స్వీటీ ట్రెడిషనల్‌ పంజాబీ డ్రెస్‌ లో కనిపిస్తోంది. ఆర్య షేర్వాణీ వేసుకుని కొత్త పెళ్లికొడుకును తలపిస్తున్నాడు. అసలు ఈ ఇద్దరి మధ్యా ఈ రొమాన్స్‌ అంతా ఎక్కడ జరుగుతోంది? అయినా బొద్దమ్మాయ్‌ కి కొలెస్టరాల్‌ కంట్రోల్‌ పై కోచింగ్‌ ఇవ్వకుండా ఆ కోచ్‌ ఇలా బుట్టలో పడ్డాడేంటి? ఏదేమైనా ఏదో జరుగుతోంది?

అమ్మాయి, అబ్బాయి మధ్య గమ్మత్తయిన రొమాన్స్‌ రన్నింగ్‌ లో ఉంది. ఈ రొమాన్స్‌ వెండితెరపై ఏ రేంజులో పండిందో చూడాలన్న ఆత్రం పెరుగుతోంది. రిలీజ్‌ కి ఇంకెంతో సమయం లేదు. కాబట్టి కాస్త ఓపిక పట్టండి. బొద్దమ్మాయ్‌ కి, బుద్ధి మంతుడికి మధ్య లవ్‌ స్టోరీ తెరపైనే చూసేద్దాం.