స్వీటీ వచ్చింది.. లైట్ పోయింది.. ప్యాకప్

అనుష్క సైజ్ జీరో రిలీజ్ కి మరో వారం రోజులే ఉంది. దీంతో ప్రమోషన్ వర్క్ లో స్పీడ్ పెంచింది యూనిట్. ఇప్పటికే టాప్ గేర్ లో పబ్లిసిటీ చేస్తున్నా.. కొత్త కొత్త కాన్సెప్టులతో జనాలను ఆకట్టుకుంటున్నాడు డైరెక్టర్ ప్రకాష్.

సినిమాలకు మేకింగ్ వీడియోలు రిలీజ్ చేయడం కొత్తేం కాదు కానీ.. సైజ్ జీరో కి చేసిన ఎటెంప్ట్ సూపర్ గా ఉంది. మేకింగ్ ని కూడా ఓ కాన్సెప్ట్ తో చేయడం ఆకట్టుకుంటోంది. వీడియో స్టార్టింగ్ లోనే యూనిట్ అంతా షూటింగ్ కి సిద్ధంగా ఉంటారు. లైట్ బోయ్ నుంచి మొత్తం టీం అంతా అనుష్క కోసం ఎదురుచూస్తూ ఉంటారు. అనుష్క బాగా లావుగా కనిపించాలని చెబుతూ ఉంటారు. కొంతమంది నిద్రపోతూ ఉంటారు. మొత్తానికి స్వీటీ రాకకోసం ఎదురుచూస్తూ ఉంటారు. అయితే.. ఎంతసేపైనా అనుష్క మాత్రం రాదు.

ఏం చేస్తుందా అని చూస్తే.. లోపల చక్కగా చికెన్ లతో సహా అన్నీ కుమ్మేస్తూ ఉంటుంది. మొత్తానికి లావైపోయి షూటింగ్ కి రెడీ అయిపోతుంది. సార్ స్వీటీ మేడమ్ రెడీ సార్ అనేపాటికి... లైట్ పోయింది అంటూ ప్యాకప్ చెప్పేస్తారు. ఇలా మేకింగ్ వీడియోని ఫుల్ ఫన్నీగా రూపొందించారు. ఈనెల 27 న రిలీజ్ కానున్న సైజ్ జీరోపై అంచనాలు అంతకంతకూ పెరిగిపోతున్నాయి. ఇప్పుడు యూ/ఏ సర్టిఫికేట్ కూడా రావడంతో మసాలా కూడా బాగానే దట్టించారని అనుకుంటున్నారు.