మ‌హేష్ విల‌న్ ఆయ‌నంటే న‌మ్మొచ్చు

మురుగ‌దాస్ ద‌ర్శ‌క‌త్వంలో తెర‌కెక్క‌నున్న మ‌హేష్ సినిమాలో విల‌న్ గురించి ఇప్పుడు టాలీవుడ్‌ లో డిస్క‌ష‌న్ న‌డుస్తోంది. మ‌హేష్‌ తో ప‌నిచేసిన ద‌ర్శ‌కుడే విల‌న్‌ గా సెలెక్ట్ అయ్యాడ‌ట అన్న వార్త బ‌య‌టికొచ్చింది. అప్ప‌ట్నుంచి ఎవ‌రై ఉంటార‌బ్బా అని ఆరాలు తీశారు. అంద‌రూ టాలీవుడ్ ద‌ర్శ‌కుల గురించే ఆలోచిస్తూ ఫైన‌ల్‌ గా తేజ‌ - జ‌యంత్ సి.ప‌రాన్జీలై ఉంటారేమో అని అనుమానం ప‌డ్డారు. కానీ ఎస్‌.జె.సూర్య గురించి మాత్రం ఎవ్వ‌రూ ఆలోచించ‌లేదు. మ‌హేష్‌ తో నాని సినిమాని తీశాడు ఎస్‌.జె.సూర్య. ఆయ‌నే మ‌హేష్ సినిమాలో విల‌న్ అన్న విష‌యం తాజాగా బ‌య‌టికొచ్చింది.

స్వ‌త‌హాగా న‌టుడైన సూర్యకి త‌మిళనాడులో మంచి క్రేజ్ ఉంది. విల‌న్ పాత్ర‌ల్లో ఆయ‌న భ‌లే ఒదిగిపోతుంటాడు. అందుకే మురుగ ఆయ‌న్నే సెలెక్ట్ చేశాడ‌ని స‌మాచారం. పైగా మ‌హేష్ సినిమాని తెలుగుతోపాటు - త‌మిళం - హిందీ భాష‌ల్లోనూ విడుద‌ల చేయ‌బోతున్నారు. ఆ మేర‌కు మూడు భాషల్లో పాపుల‌ర్ అయిన కొద్దిమంది న‌టుల్ని సినిమాకోసం ఎంపిక చేసుకొంటున్న‌ట్టు తెలిసింది. ఎస్‌.జె.సూర్య పేరు తెర‌పైకొచ్చిన‌ప్ప‌ట్నుంచి ఆయ‌నయితే గ్యారెంటీగా న‌మ్మొచ్చ‌ని మాట్లాడుకొంటున్నారు మ‌హేష్ అభిమానులు. అన్నీ కుదిరితే ఈ నెల‌లోనే సినిమాని మొద‌లుపెట్టాల‌నుకున్నారు మ‌హేష్‌. కానీ బ్ర‌హ్మోత్స‌వం ప‌నులు పూర్తి కాక‌పోవ‌డంతో ముహూర్తాన్ని వాయిదా వేశార‌ని తెలిసింది.