పవన్‌ సినిమా ఏమైంది సూర్య?

టాలీవుడ్ సూపర్ స్టార్ మహేష్ బాబుతో మురుగదాస్ ఓ సినిమా చేయనున్నాడు. మహేష్ ప్రస్తుతం నటిస్తున్న బ్రహ్మోత్సవం రిలీజ్ కాగానే.. ఓ 2 వారాల గ్యాప్ లో ఈ మూవీ షూటింగ్ ప్రారంభం కానుంది. ఇప్పటికే ఈ మూవీ కోసం శ్రద్ధా కపూర్ ని హీరోయిన్ గా ఫైనల్ చేయాలన్నది నిర్మాతల యోచన. ఆమె 3.5 కోట్లు డిమాండ్ చేయడంతో ప్రస్తుతం బేరసారాలు జరుగుతున్నాయి. ఇక మహేష్-మురుగ సినిమాలో విలన్ గా దర్శకుల పేర్లు బయటకు వచ్చాయి.

మహేష్ తో సినిమాలు తీసిన దర్శకులు తేజ - జయంత్ సి పరాన్జీ - ఎస్ జే సూర్యల్లో ఒకరిని విలన్ గా తీసుకోనున్నారని తెలుస్తోంది. ఇప్పటికే సూర్యని దాదాపు కన్ఫాం చేశారని అంటున్నారు. ఆయన కూడా ఈ రోల్ పై ఇంట్రెస్ట్ గానే ఉన్నాడట. మరి ఎస్ జే సూర్య ఇలా మహేష్ పక్కన విలన్ గా నటించేందుకు వెళ్లిపోతే.. పవన్ కళ్యాణ్ ప్రాజెక్ట్ సంగతేంటి అనే ప్రశ్న తలెత్తుతుంది. ఇప్పటికే ఖుషి2కి సంబంధించిన పనులను స్టార్ట్ చేశాడు ఎస్ జే సూర్య. ఇందుకోసం మ్యూజిక్ డైరెక్టర్ అనూప్ రూబెన్స్ తో కలిసి తరచుగా ముంబై వెళ్లొస్తున్నాడు కూడా. మరిప్పుడు మహేష్ కి విలన్ రోల్ వస్తే ఈ ప్రాజెక్ట్ అటకెక్కేసినట్లేనా అనుకోవచ్చు. అయితే పవన్ సినిమా స్టార్ట్ అవడానికి కనీసం ఏడాది తీసుకుంటాడు. కాబట్టి ఈ లోగా మహేష్ సినిమాలో కేరక్టర్ ఫినిష్ చేసుకుని వచ్చేందుకు ఎస్ జే సూర్యకి టైం ఉంటుంది.

ఒకవేళ ప్రాజెక్ట్ నుంచి తప్పుకున్నా.. తనకు నచ్చినట్లుగా సెట్ చేసి, ఎవరో ఒకరిని ముందు నిలబెట్టి సినిమా తీసేయడంలో పవన్ కి బోలెడంత అనుభవం ఉంది కాబట్టి.. నో ప్రాబ్లెమ్.