రవితేజ రిలీజ్ చేసిన 'స్లమ్ డాగ్ హజ్బెండ్' బరాత్ సాంగ్

సంజయ్ రావు హీరోగా మైక్ మూవీస్ నిర్మిస్తున్న కామికల్ ఎంటర్ టైనర్ సినిమా "స్లమ్ డాగ్ హజ్బెండ్". ప్రణవి మానుకొండ హీరోయిన్ గా నటిస్తోంది. ఈ చిత్రంతో ప్రముఖ దర్శకుడు పూరీ జగన్నాథ్ శిష్యుడు డాక్టర్ ఏఆర్ శ్రీధర్ దర్శకుడిగా పరిచయం అవుతున్నారు. ఈ సినిమాని మైక్‌ మూవీస్ బ్యానర్ లో అప్పిరెడ్డి, వెంకట్ అన్నపరెడ్డి లు నిర్మించారు. ఈ చిత్రంలో బ్రహ్మాజీ కీలక పాత్రలో నటిస్తున్నారు.

ఈ సినిమా యొక్క షూటింగ్‌ దశలో ఉంది. తాజాగా "స్లమ్ డాగ్ హజ్బెండ్" సినిమా నుంచి బరాత్ సాంగ్ ను మాస్ రాజా రవితేజ విడుదల చేయించారు. పాటలో చాలా జోష్ ఉందని, పాటతో పాటు సినిమా కూడా హిట్ అవ్వాలని మూవీ టీమ్ కు మాస్ మహారాజా రవితేజ విశెస్ తెలిపారు.

లచ్చి గాని పెళ్లి ఇగ పార్శి గుట్టల లొల్లి... లచ్చిగాని పెళ్లి నువు మర్పా కొట్టర మళ్లీ.. అంటూ సాగే ఈ పాట బరాత్ సాంగ్ కి మంచి స్పందన వస్తుందనే నమ్మకంను యూనిట్‌ సభ్యులు వ్యక్తం చేశారు.

ఈ పాటకు కాసర్ల శ్యామ్ సాహిత్యాన్ని అందించగా.. భీమ్స్ సిసిరోలియో ట్యూన్స్‌ అందించడంతో పాటు తానే స్వయంగా పాడారు.

బరాత్ సందడి, ఉత్సాహం అంతా ఈ పాటలో కనిపిస్తుందని.. సినిమా ఎంత మాస్ ఎంటర్ టైనర్ గా ఉంటుందో ఈ పాట తెలియజేస్తోంది అంటూ దర్శకుడు శ్రీధర్ పేర్కొన్నారు. ఈ సినిమా ను త్వరలోనే పూర్తి చేసి ప్రేక్షకుల ముందుకు తీసుకు వస్తామంటూ యూనిట్‌ సభ్యులు అధికారికంగా ప్రకటించారు.

చిత్రంలో ఛమ్మక్ చంద్ర, గుండు సుదర్శన్, ఫిష్ వెంకట్ తదితరులు ఇతర పాత్రల్లో నటిస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.