ఫోటో స్టోరీ: చ‌ంద‌న‌మే ప‌చ్చ‌ద‌న‌మే!

చంద‌న‌మే ప‌చ్చ‌ద‌న‌మే.. ప‌చ్చిక బ‌య‌లు ప‌చ్చ‌ద‌న‌మే.. ఎదకు స‌మ్మ‌తం చెలిమే.. `స‌ఖి` సినిమాలో మ‌ణిర‌త్నం మార్క్ గీత‌మిది. ఏ.ఆర్.రెహ‌మాన్ అద్భుత బాణీ ఇప్ప‌టికీ ట్రెండ్ సెట్టింగ్ అనే చెప్పాలి. యువ‌త‌రం ప‌దే ప‌దే ఈ పాట‌ను హ‌మ్ చేసింది కూడా. ఇదిగో ఈ తెలుగ‌మ్మాయి వ‌రుస చూస్తుంటే ఆ పాట‌ను మ‌రోసారి గుర్తు చేసుకోవాల్సి వ‌స్తోంది.

ప‌చ్చ‌లు పొదిగిన‌ డిజైన‌ర్ జువెల‌రీతో.. వైట్ & గ్రీన్ కాంట్రాస్ట్ కాంబినేష‌న్ డ్రెస్‌ లో కొత్త‌గా క‌నిపిస్తోంది అమ్మ‌డు. ఇంత‌కీ ఎవ‌రీ అమ్మ‌డు? అంటే ప‌రిచ‌యం అక్క‌ర్లేదు.. గూఢ‌చారి ఫేం శోభిత ధూలిపాళ‌. తొలి సినిమాతో విమ‌ర్శ‌కుల ప్ర‌శంస‌లు అందుకుంది ఈ భామ‌. శోభిత తాజా ఫోటోషూట్ ప్ర‌స్తుతం హాట్ టాపిక్‌. ప‌చ్చా ప‌చ్చ‌ని ప‌రికిణీ ధ‌రించి - దానిపై వైట్ క‌ల‌ర్‌ కాల‌ర్డ్‌ ష‌ర్ట్‌ తో కొత్త‌గా క‌నిపిస్తోంది. ప‌చ్చ‌లు అద్దిన ఆభ‌ర‌ణం మెడ‌లో ధ‌రించి.. ప‌చ్చ‌లు పొదిగిన చెవి లోలాకుల‌తో మైమ‌రిపిస్తోంది.. ఆ డ్రెస్‌ లో క్లీవేజీ షో ఎంత అవ‌స‌ర‌మో అంతే ఆవిష్క‌రించింది.

మొత్తానికి టాప్ మోడ‌ల్ కం హీరోయిన్‌ గా శోభిత పెర్ఫెక్ట్ ప్లానింగ్‌ తోనే ముందుకెళుతోంది. తెనాలి టు హైద‌రాబాద్‌ - హైద‌రాబాద్ టు ముంబై ఇంట్రెస్టింగ్ జ‌ర్నీ సాగిస్తోంది. ఇటు సౌత్‌ - అటు బాలీవుడ్ సినిమాల‌తో కెరీర్ బండిని న‌డిపించాల‌న్న ప్లాన్ తో ఉంది. మేడ్ ఇన్ హెవెన్ అనే హిందీ - ఇంగ్లీష్ ద్విభాషా చిత్రంలో న‌టిస్తూనే - ది బాడీ అనే హిందీ- తెలుగు ద్విభాషా చిత్రంలోనూ న‌టిస్తోంది. దీంతో పాటు `మూత‌న్` అనే మ‌ల‌యాళ చిత్రంలోనూ న‌టిస్తోంది శోభిత‌. షారూక్ `జీరో` ఫేం ఆనంద్‌.ఎల్‌.రాయ్- అనురాగ్ క‌శ్య‌ప్ ఈ చిత్రాన్ని నిర్మిస్తున్నారు. అయితే శోభిత ధూలిపాళ‌ తెలుగులో స్ట్రెయిట్ సినిమాల వివ‌రాల్ని ప్ర‌క‌టించాల్సి ఉందింకా.