తెనాలి అమ్మాయికి నెట్‌ ఫ్లిక్స్ వ‌ల‌

గూఢ‌చారి చిత్రంతో శోభిత ధూళిపాల పేరు మార్మోగిపోయింది. తెనాలి అమ్మాయి త‌డాఖా చూసి కుర్ర‌కారు ప‌రేషాన్ అయిపోయారు. గూఢ‌చ‌ర్యం నేప‌థ్యంలోని ఈ చిత్రంలో ఒక తెలుగ‌మ్మాయి ఈ రేంజులో వేడెక్కిస్తుంద‌ని ఎవ‌రూ ఊహించి ఉండ‌రు. అందుకే శోభిత లుక్ చూసి స్ట‌న్న‌యిపోయారు. క్రిటిక్స్ నుంచి అద్భుత‌మైన ప్ర‌శంస‌లు శోభిత‌కు ద‌క్కాయి.

అందుకే ప్ర‌తిభ ఉన్న‌చోటికి అవ‌కాశాలు వెతుక్కుంటూ వెళతాయ‌ని అంటారు. ఇప్పుడు ఏకంగా ఆన్‌ లైన్ స్ట్రీమింగ్ దిగ్గ‌జం నెట్‌ ఫ్లిక్స్ ఈ తెనాలి అమ్మాయిని వెతుక్కుంటూ వెళ్లింది. త‌న‌కో భారీ ఆఫ‌ర్‌ని ఇచ్చింది. ఈ బిగ్ డీల్ ధూళిపాల‌కు పెద్ద రేంజులో క‌లిసొస్తుంద‌ని విశ్లేషిస్తున్నారు. అస‌లింత‌కీ ధూళిపాల శోభిత చేస్తున్న వెబ్ సిరీస్ ఏది? ఈ డీల్‌కి స‌ంత‌కం చేసిందా లేదా.. అంటే? డీటెయిల్స్ లోకి వెళ్లాల్సిందే.

ఆన్‌ లైన్‌ లో టాప్ రేటింగ్‌ తో దూసుకుపోతున్న `సాక్రిడ్ గేమ్స్‌` వెబ్ సిరీస్‌ సీజ‌న్ 2కి శోభిత‌ను ఎంపిక చేసుకున్నార‌ట‌. అనురాగ్ క‌శ్య‌ప్ లాంటి టాప్ డైరెక్ట‌ర్ త‌న‌ని ఏరికోరి ఎంచుకున్నార‌ని తెలుస్తోంది. అయితే ఈ వెబ్ సిరీస్‌ కి శోభిత ఓకే చెప్పిందా? లేదా.. అన్న‌ది తెలియాల్సి ఉందింకా. శోభిత ఇదివ‌ర‌కూ అనురాగ్‌తో క‌లిసి `రామ‌న్ రాఘ‌వ్ 2.0` కోసం ప‌ని చేసింది. ఆ క్ర‌మంలోనే ఈ ఆఫ‌ర్ వ‌చ్చిందిట‌. భ‌విష్య‌త్ అంతా వెబ్ సిరీస్‌ ల‌దే. ఆ క్ర‌మంలోనే ఈ ఆఫ‌ర్‌ని తిరస్క‌రించ‌ద‌నే భావిస్తున్నారు ఫ్యాన్స్‌.