రెడ్‌ లైట్ ఏరియాలో తెలుగు హీరోయిన్‌

తెలుగు హీరోయిన్నే కాదు - అచ్చ‌మైన తెలుగ‌మ్మాయి కూడా. తెనాలిలో పుట్టింది. ముంబైలో పెరిగింది. ఆ త‌ర్వాత గ్లామ‌ర్ ఫీల్డ్‌ లోకి వెళ్లి - బాలీవుడ్ ఎంట్రీ ఇచ్చింది. రామ‌న్ రాఘ‌వ్‌ - ఛెఫ్ త‌దిత‌ర సినిమాల‌తో బాలీవుడ్‌ లో మంచి గుర్తింపు తెచ్చుకొన్న ఆ హీరోయిన్నే... శోభిత దూలిపాళ్ల‌. ఈమె ప్ర‌స్తుతం తెలుగులో గూఢ‌చారి అనే సినిమాలోనూ న‌టిస్తోంది. ఇప్పుడిప్పుడే కెరీర్ ప‌రంగా వేగం పెంచుతున్న ఈమె ఉన్న‌ట్టుండి రెడ్‌ లైట్ ఏరియాలో ప్ర‌త్య‌క్ష‌మైంది.

రెడ్ లైట్ ఏరియా అంటున్నామ‌ని మీరు కంగారుప‌డ‌కండి. అది కూడా సినిమాకోస‌మే! ఇటీవ‌లే హిందీ - మల‌యాళం భాష‌ల్లో `మూథోన్‌` అనే ఓ బై లింగ్వుల్ సినిమాలో న‌టించేందుకు ఒప్పుకుంది శోభిత‌. ఇందులో మ‌ల‌యాళ క‌థానాయ‌కుడు - ప్రేమ‌మ్ ఫేమ్ నివిన్ పాళీ క‌థానాయ‌కుడిగా న‌టిస్తున్నాడు. సినిమాలో శోభిత ఓ వేశ్య‌గా న‌టిస్తోంద‌ట‌. ఆ పాత్ర కోస‌మే ఆమె ప‌లు న‌గ‌రాల్లో ఉన్న రెడ్‌ లైట్ ఏరియాల‌కి వెళ్లి వేశ్య‌ల జీవితాల్ని ప‌రిశీలించి ప‌రిశోధ‌న చేస్తోంద‌ట‌. అదీ అస‌లు సంగ‌తి.

అన్న‌ట్టు ఈ సినిమాకి స్క్రీన్‌ ప్లే స‌మ‌కూరుస్తుంది ఎవరో తెలుసా... బాలీవుడ్ ప్ర‌ముఖుడు అనురాగ్ క‌శ్య‌ప్‌. ఆయ‌నే శోభిత‌కి హిందీలో తొలి అవ‌కాశాన్నిచ్చాడు. గీతూ మోహ‌న్ ద‌ర్శ‌క‌త్వం వ‌హిస్తున్న మూథోన్ వ‌చ్చే యేడాది విడుద‌ల కాబోతోంది. మ‌రి వేశ్య పాత్ర‌లో తెలుగ‌మ్మాయి ఎలా న‌టిస్తుందో చూడాలి.