బాహుబలి రూమర్లతో చిరాకొచ్చేసింది

''సాధారణంగా నేను ఇటువంటి రూమర్లపై స్పందించు. కాని మరీ ట్రాష్‌ అండ్‌ చీప్‌ చెత్త రాస్తున్నారు. వీటిలో అస్సలు నిజం లేదు'' అంటూ స్పందించారు బాహుబలి నిర్మాత శోభు యార్లగడ్డ. సడన్‌ గా ఆయన అలా చెప్పుకొచ్చేసరికి అందరికీ షాకింగ్‌ గా ఉంది. ఇంతకీ నేషనల్‌ అవార్డు వచ్చిందనే ఆనందంలో ఆయన్ను ఎక్కువగా ఉండనీయకుండా.. ఇలా డిస్ర్టబ్‌ చేసిన రూమర్‌ ఏంటట?

బాహుబలి సినిమాలో దీపికా పదుకొనె ఒక చిన్నరోల్‌ చేసిందని వచ్చింది.. అబ్బే.. అది కాదు. ఇప్పుడు బాహుబలిః ది కంక్లూజన్‌ సినిమా రీ షూట్ల బారిన పడిందని ఒకటే రూమర్లు వచ్చేయిలేండి. ఈ మధ్యనే సినిమాను ప్రివ్యూ వేసుకొని చూసిన రాజమౌళి.. అబ్బే ఈ పోర్షన్స్‌ అన్నీ బాగాలేదని.. వాటిని రీమేక్‌ చేద్దామని అనుకుంటున్నాడటని సదరు రూమర్ల సారాంశం. అయితే ఇవన్నీ కేవలం ట్రాష్‌ అని కన్ఫామ్‌ చేశారు శోభు.

ఇకపోతే ఇప్పటికే ఏప్రిల్‌ 17, 2017 డేటును ప్రకటించిన బాహుబలి 2 టీమ్‌.. ఆల్రెడీ సినిమాను ఆఘమేఘాలమీద పూర్తి చేసే పనిలో పడ్డారు. షూటింగ్‌ అయిపోయిన సీన్లకు ఇప్పుడు విజువల్‌ ఎఫెక్ట్స్‌ అద్దే పనిలో ఉన్నారు. అది సంగతి.