సోహెల్‌ రాకతో ట్రాఫిక్‌ జామ్‌

తెలుగు బిగ్‌ బాస్ కు ముందు సోహెల్‌ అంటే పెద్దగా ఎవరికి తెలియదు. ఒక్కరు ఇద్దరుకు తెలిసిన సోహెల్ ఇప్పుడు కొన్ని లక్షల మందికి కోట్ల మందికి తెలుసు అనడంలో సందేహం లేదు. బిగ్ బాస్‌ చూసిన వారికి మరియు చూడని వారికి అందరికి కూడా సోహెల్‌ గురించి తెలిసి పోయింది. బిగ్ బాస్‌ వల్ల సోహెల్ క్రేజ్‌ అమాంతం పెరిగి పోయింది. పాకెట్ మనీ కోసం క్యాటరింగ్ పనికి వెళ్లిన కుర్రాడు ఇప్పుడు పెద్ద సెలబ్రెటీ అయ్యాడు. ఇప్పుడు అతడి కథ వేరే ఉంది అనేందుకు ప్రత్యక్ష సాక్ష్యంగా ట్రాఫిక్‌ జామ్ నిలిచింది అనడంలో ఎలాంటి సందేహం లేదు. బిగ్‌ బాస్ నుండి బయటకు వెళ్లిన తర్వాత తన సొంత ప్రాంతంకు కాస్త ఆలస్యంగా వెళ్లిన సోహెల్‌ మంచి వెల్‌ కమ్ ను ఆశించాడు. కాని అంతకు మించి అన్నట్లుగా ఆయనకు వెల్‌ కమ్‌ దక్కింది.

సింగరేణి ముద్దు బిడ్డ అంటూ బిగ్ బాస్ లో ఉన్నన్ని రోజులు తెగ ప్రచారం చేసుకున్న సోహెల్‌ ఇప్పుడు మరింతగా స్టార్‌ డంను దక్కించుకున్నాడు. ఆయన తన సోదరి పెళ్లి కోసం ఊరు వెళ్లగా అక్కడ ఆయనకు దక్కిన ఆహ్వానం మామూలుగా లేదు. గంట పాటు ట్రాఫిక్ జామ్‌ అయ్యింది. కారు ముందుకు కదలకుండా నిలిచి పోయింది. రెండు కిలో మీటర్ల దూరం గంటల సమయం పట్టింది. బిగ్‌ బాస్‌ లో అతడు నెం.3 గా నిలిచినా కూడా చిరంజీవి ఇంటి బిర్యానీ దక్కించుకోవడంతో పాటు మరి కొన్ని కారణాల వల్ల ఎవరికి అందనంత ఎత్తున నిలిచాడు. ఆ కారణంగానే ఆయనకు అద్బుతమైన వెల్‌ కమ్‌ దక్కింది. ఈ క్రేజ్ ను వెంటనే వినియోగించుకునేందుకు సినిమాలకు కమిట్‌ అవుతున్నాడు. ఇప్పటికే ఒక సినిమా అధికారిక ప్రకటన కూడా వచ్చేసింది.