యుద్ధంలో హాటీకి పెద్ద దెబ్బే తగిలిందే

మురుగదాస్ దర్శకత్వంలో సోనాక్షి సిన్హా ప్రధాన పాత్రలో రూపొందుతున్న మూవీ అకీరా. రీసెంట్ గా అకీరా ట్రైలర్ విడుదలై సంచలనాలు సృష్టిస్తోంది. ఓ హీరోయిన్ తో ఈ రేంజ్ యాక్షన్ మూవీ తీయడం సాధ్యమా అనిపించే రేంజ్ లో సోనాక్షి సత్తా చాటింది.

హీరోల ఫైట్స్ కు ఏ మాత్రం తగ్గకుండా సోనాక్షి చేసే పోరాటాలు అకీరాలో ఉంటాయి. అసలక్కడ సోనాక్షి కనిపించకపోతే.. అది లేడీ ఓరియెంటెడ్ మూవీ అన నమ్మడం కూడా కష్టం. మరి అంతటి ఫైటింగులు చేస్తే దెబ్బలు తగలకుండా ఉంటాయా.. అందులోనూ అందమైన అమ్మాయికి? 'యుద్ధంలో తగిలిన దెబ్బలు కూడా గర్వంగానే ఉంటుంది. అకీరా మూవీలో ఓ యాక్షన్ సీన్ కోసం షూటింగ్ చేసినప్పుడు దక్కిన మొమెంటో' అంటూ ఓ ఫోటోను ట్వీట్ చేసింది సోనాక్షి సిన్హా.

ఆ ఫోటోలో సోనాక్షి చేతి గాయం చూస్తే అవాక్కవ్వాల్సిందే. ఎర్రగా కందిపోయిన సోనాక్షి భుజం ఆ ఫోటోలో కనిపిస్తుంది. ఓ సినిమా కోసం ఎంత కష్టమైనా పడ్డం అంటే.. మరీ ఇంతగానా అనిపించడం లేదూ!