రాజేష్ ఖన్నా రోల్ చేసేస్తున్న సిద్ధు

రాజేష్ ఖన్నా-నంద హీరో హీరోయిన్లుగా నటించగా 1969లో విడుదలైన మూవీ 'ఇత్తెఫాక్'. మర్డర్ మిస్టరీ కాన్సెప్ట్ తో తెరకెక్కిన ఈ చిత్రం అప్పట్లో సంచలనం. బాలీవుడ్ లో ఒక్క పాట కూడా లేకుండా రిలీజ్ అయిన అతి కొద్ది సినిమాల్లో ఇది కూడా ఒకటి. ఇప్పుడీ మూవీని.. ఇప్పటి జనరేషన్ కు వీలుగా రీమేక్ చేయనున్నారు.

సిద్ధార్ధ మల్హోత్రా-సోనాక్షి సిన్హాలు లేటెస్ట్ ఇత్తెఫాక్ లో నటించనుండగా.. ఫిలిం మేకర్ రవి చోప్రా కొడుకు అభయ్ దర్శకత్వంలో రానున్న తొలి చిత్రం ఇది. ఇప్పటికే స్క్రిప్ట్ తో పాటు.. యాక్టర్స్ డేట్స్ కూడా లాక్ చేసేసుకున్నారు నిర్మాతలు. ఈ చిత్రాన్ని షారూక్ ఖాన్.. కరణ్ జోహార్.. కపిల్ చోప్రాలు నిర్మించనున్నారు. 60రోజుల షెడ్యూల్ లో ఈ మూవీని ఫినిష్ చేయనుండగా.. ఇండియాతో పాటు ఫారిన్ లొకేషన్స్ లో కూడా పిక్చరైజేషన్ జరగనుంది. మర్డర్ మిస్టరీని ఛేదించే ఇన్ స్పెక్టర్ రోల్.. ఈ మూవీలో కీలకం.

డిషూం మూవీతో ఈ ఏడాది విలన్ గా రీఎంట్రీ ఇచ్చిన అక్షయ్ ఖన్నా.. ఇన్ స్పెక్టర్ రోల్ చేయనున్నాడు. 1969లో వచ్చిన ఇత్తెఫాక్ కూడా రీమేక్ మూవీనే. 1964లో వచ్చిన సైన్ పోస్ట్ టు మర్డర్ అనే బ్రిటిష్ చిత్రాన్ని బాలీవుడ్ లో తీశారు. అయితే.. పాత ఇత్తెఫాక్ లో పాటలు లేకపోయినా.. లేటెస్ట్ వెర్షన్ లో మాత్ర ఉంటాయని.. అలాగే క్లైమాక్స్ కూడా కంప్లీట్ గా కొత్తగా ఉంటుందని చెబుతున్నాడు దర్శకుడు అభయ్.

Like Us on Facebook : https://www.facebook.com/Tupakidotcom/