మాస్ బ్యూటీ జలకన్య అవతారం

బాలీవుడ్ అందాల భామలు ఇప్పుడు అన్ని కళలూ ప్రదర్శించేస్తున్నారు. అందాలు ఆరబోయడంలో ఆరితేరిపోయిన వీళ్లు.. ఇప్పుడు సాహసాలు చేయడంలోనూ తమ ట్యాలెంట్ చూపిస్తున్నారు. శతృఘ్న సిన్హా కూతురుగా అరంగేట్రం చేసినా, తనకంటూ ప్రత్యేకమైన గుర్తింపు తెచ్చుకున్న సోనాక్షి సిన్హా ఇప్పుడు బాలీవుడ్ టాప్ హీరోయిన్లలో ఒకరుగా చెప్పుకోవాలి. స్టార్ డంకు కొంచెం దూరంలో ఆగిపోవడంతో.. ఈ మధ్య అమ్మడు రకరకాలుగా ట్యాలెంట్ చూపిస్తోంది.

తాజాగా జలకాలాడుతూ ఫోటోలు దిగి వాటిని ట్వీట్ చేసింది సోనాక్షి. జలకాలాట అంటే అదోదో బాత్ టబ్ లోనో, స్మిమ్మింగ్ పూల్ లోనో కాదు. ఏకంగా సముద్రంలో అండర్ వాటర్ డైవింగ్ చేసేంది. ఫుల్లుగా డైవింగ్ డ్రైస్ వేసుసుకుని, ఆక్సిజన్ సిలిండర్ తగిలించుకని సముద్రం అడుగున తెగ చక్కర్లు కొట్టేసింది. అంతే కాదు... స్టార్ ఫిష్ లతో ఫోటోలు కూడా దిగి ట్వీట్ చేసింది దబాంగ్ బ్యూటీ.

'నీలం ప్రపంచంలో స్టార్ ఫిష్ లతో సెల్ఫీలు. చిన్న డైవింగ్ సాహసాలు బాగా నచ్చాయి. ఈ సముద్రం నన్ను ఎంతో సంతోషంలో ముంచెత్తింది' అంటూ ట్వీట్ చేసింది సోనాక్షి. తమ హీరోయిన్ లో ఉన్న ఈ అండర్ వాటర్ ట్యాలెంట్ చూసి ఫ్యాన్స్ ఆశ్చర్యపోయారు. అయినా ఏ మాటకి ఆ మాటే చెప్పుకోవాలి.. అండర్ వాటర్ లో అచ్చం జలకన్యలాగే ఉంది సోనాక్షి సిన్హా.