బాల‌య్య‌కు ఇలా షాకిస్తుంద‌నుకోలేదు!

న‌ట‌సింహా నంద‌మూరి బాల‌కృష్ణ హీరోగా బోయ‌పాటి శ్రీను ద‌ర్శ‌క‌త్వంలో ఎన్.బీ.కే 106 చిత్రానికి రంగం సిద్దం అవుతోంది. బోయ‌పాటి ఈసారి కూడా బాలీవుడ్ తార‌గ‌ణాన్నే రంగంలోకి దింపుతున్నార‌న్న ప్ర‌చారం ఇప్ప‌టికే వెడెక్కుతోంది. బాల‌య్య‌ను ఢీ కొట్ట‌డానికి సంజ‌య్ ద‌త్ ని బరిలోకి దించుతున్నార‌ని జోరుగా ప్ర‌చారం సాగుతోంది. మ‌రోవైపు బాల‌య్య స‌ర‌స‌న ముకుపుడక‌ల సుంద‌రి సోనాక్షి సిన్హా రొమాన్స్ చేయ‌బోతుదంటూ మ‌రో వైపు ప్ర‌చారం వేడెక్కిస్తోంది.

బోయ‌పాటి మార్క్ మాస్ ఎంట‌ర్ టైన‌ర్ మ‌రోసారి అభిమానులకు డ‌బుల్ ట్రీట్ ఇస్తుంద‌ని వినిపిస్తోంది. సెట్స్ కు వెళ్ల‌డానికి చాలా ముందుగానే ఓ రేంజ్ లో ప్ర‌చారం మొద‌ల‌వ్వ‌డంతో నంద‌మూరి ఫ్యాన్స్ లో అంచ‌నాలు రెట్టింపు అవుతున్నాయి. అయితే తాజాగా బాల‌య్య అభిమానుల ఆశ‌ల‌పై సోనాక్షి నీళ్లు చ‌ల్లేసింది. బాల‌య్య బాబు సినిమాలో నేను న‌టించ‌లేదంటూ ట్విట‌ర్ వేదిక‌గా క్లారిటీ ఇచ్చింది. ఇవ‌న్నీ కేవ‌లం రూమ‌ర్లు మాత్ర‌మే. ప్ర‌స్తుతానికి సౌత్ లో ఎలాంటి సినిమా చేయ‌డం లేద‌ని వెల్ల‌డించి షాక్ ఇచ్చింది. సోనాక్షి ప్ర‌స్తుతం ద‌బంగ్ 3 రిలీజ్ ప్ర‌చారంలో పాల్గొంటూ బిజీగా ఉంది. మ‌రి బాల‌య్య‌తో ఆఫ‌ర్ గురించి త‌న చెవిన ప‌డిందేమో.. వెంట‌నే క్లారిటీ ఇచ్చేసింది.

ఇక సోనాక్షి గ‌తంలో సూప‌ర్ స్టార్ ర‌జ‌నీ కాంత్ స‌ర‌స‌న‌ లింగా చిత్రంలో న‌టించింది. త‌ర్వాత కోలీవుడ్.. టాలీవుడ్ లో అవ‌కాశాలు వ‌చ్చినా ఎందుక‌నో క‌మిట్ అవ్వ‌లేదు. ఆరంగేట్రం డిజాస్ట‌ర్ అవ్వ‌డంతో ఇటువైపు చూడలేదు. ప్ర‌స్తుతం సంజ‌య్ ద‌త్ పాన్ ఇండియా కేట‌గ‌రిలో రిలీజ్ అవుతున్న కేజీఎఫ్‌-2లో న‌టిస్తున్నారు. కేజీఎఫ్ 2 త‌రువాత నిజంగానే బాల‌య్య‌తో ద‌త్ సినిమా చేస్తున్నారా లేదా? ఇప్ప‌టికే సాగుతున్న ప్ర‌చారంపై ఆయ‌న ఏదైనా స్ప‌ష్ట‌త‌నిస్తారేమో చూడాలి.