ర‌జ‌నీ త‌ర‌వాత చిరుతో సోనాక్షి.. భారీ పారితోషికం డిమాండ్!

బాలీవుడ్ ముద్దుగుమ్మ‌ల‌ను సౌత్ కి ర‌ప్పించాలంటే చాలా ప్ర‌హ‌స‌నం ఉంటుంది. అడ‌గ్గానే ఓకే చెప్ప‌రు. భారీ పారితోషికం .. ఫైవ్ స్టార్ హోట‌ల్ బ‌స‌.. త‌న వెంట వ‌చ్చే బంధుమిత్రుల‌కు ప్యాకేజీలు వ‌గైరా వ‌గైరా చాలా నిర్మాత‌లే భ‌రించాల్సి ఉంటుంది. క‌త్రిన‌- శ్ర‌ద్ధా క‌పూర్- జాక్విలిన్ లాంటి భామ‌ల‌కు అలాంటి ఆఫ‌ర్లు ఇచ్చారు మ‌న నిర్మాత‌లు.

ఇప్పుడు అదే బాట‌లో షాట్ గ‌న్ శ‌త్రుఘ్న సిన్హా వార‌సురాలు .. బాలీవుడ్ స్టార్ హీరోయిన్ సోనాక్షి సిన్హా భారీ ప్యాకేజీల‌ను అడుగుతున్నార‌ట‌. మెగాస్టార్ చిరంజీవి తాజా చిత్రం `ఆచార్య` షూటింగ్ పూర్తి చేసుకుని లూసీఫ‌ర్ రీమేక్ లో న‌టించ‌నున్న సంగ‌తి తెలిసిందే. ఈ చిత్రానికి తమిళ దర్శకుడు మోహన్ రాజా దర్శకత్వం వ‌హిస్తున్నారు.

చిరు ఈ రెండు సినిమాలను పూర్తి చేసిన తర్వాత బాబీతో మ‌రో సినిమాని ప్రారంభిస్తారు. ప్ర‌స్తుతం ఈ చిత్రానికి ప్రీ ప్రొడక్షన్ పనులు శరవేగంగా జరుగుతున్నాయి. మ‌రోవైపు క‌థానాయిక కోసం సెర్చ్ సాగుతోంది. బాలీవుడ్ బ్యూటీ సోనాక్షిని సంప్ర‌దిస్తే భారీ పారితోషికం డిమాండ్ చేసింద‌ని గుసగుస‌లు వినిపిస్తున్నాయి. ఈ చిత్రంలో న‌టించేందుకు త‌న‌కు దాదాపు 3.5 కోట్లు కావాల‌ని డిమాండ్ చేసిందని తెలిసింది. ఇది వాస్త‌వానికి చాలా ఎక్కువ.. కానీ సోనాక్షి హిందీలో పాపుల‌ర్ హీరోయిన్. సినిమా హిందీ ఆడియెన్ కి చేరువ‌ అవ్వడానికి సహాయపడుతుంది. అయితే ద‌ర్శ‌క‌నిర్మాత‌లు సోనాక్షిని ఫైన‌ల్ చేయాల్సి ఉంది ఇంకా.

సోనాక్షి సిన్హా ఇంత‌కుముందు ఒకే ఒక్క సౌత్ సినిమాలో క‌థానాయిక‌గా న‌టించింది. అది కూడా త‌మిళంలో సూప‌ర్ స్టార్ ర‌జ‌నీకాంత్ న‌టించిన లింగా చిత్రంలో. లింగా తెలుగు-త‌మిళ భాష‌ల్లో విడుద‌లై డిజాస్ట‌రైన సంగ‌తి తెలిసిందే. ఆ త‌ర్వాత ప‌వ‌న్ క‌ల్యాణ్ స‌హా ప‌లువురు హీరోల కోసం సంప్ర‌దించినా సోనాక్షి బిజీ షెడ్యూల్స్ స‌హ‌క‌రించ‌లేదు. అటుపై పూర్తిగా బాలీవుడ్ కే అంకిత‌మైంది.