బాలీవుడ్ బ్యూటీకి గులాబీలతో వల

అందాల తారలను అభిమానులు తెగ ప్రేమిస్తారు. అఫ్ కోర్స్.. తమ ఇష్టాన్నే కొందరు ప్రేమ అనుకుంటారు. మరికొంతమందైతే తమ లవ్ ని చెప్పాలని అనుకుంటారు. అతి కొద్ది మంది మాత్రమే.. తమ అభిమానం - ప్రేమ - ఇష్టాన్ని అసలు భామకు చేరవేయగలుగుతారు. ఇప్పుడు బాలీవుడ్ బ్యూటీ సోనాల్ చౌహాన్ కి ఈ చివరి కేటగిరి ఫ్యాన్ ఒకరు తగిలాడు.

గత వారానికి పైగా ముంబైలోని వెర్సెవా ప్రాంతంలో ఉన్న సోనాల్ చౌహాన్ ఇంటికి.. రోజూ వెయ్యికి పైగా గులాబీలు వస్తున్నాయి. పలు రకాల గులాబీ పూలు - బొకెలు ఇంటికి చేరుతున్నాయి. ఓ రహస్య ప్రేమికుడు వీటిని నేరుగా సోనాల్ ఇంటికి పంపుతున్నాడు. ఇప్పటికి 8వేలకు పైగా గులాబీలు అమ్మడి ఇంటికి చేరగా.. వాటిలో చాలావరకు ఓపిగ్గా ఇల్లంతా స్వయంగా అలంకరించిందిట సోనాల్ చౌహాన్. పంపే వ్యక్తి ఎవరో తెలీకపోయినా.. ఈ గులాబీ పూల కాన్సెప్ట్ అమ్మడికి బాగా నచ్చిందని టాక్.

ఈ సోనాల్ చౌహాన్ మన టాలీవుడ్ ఆడియన్స్ కు కూడా బాగా తెలిసినదే. డిక్టేటర్ - లెజెండ్ చిత్రాల్లో బాలయ్యతో ఆడిపాడిన ఈ సుందరాంగి ప్రస్తుతం బాలీవుడ్ పై దృష్టి పెట్టింది. అయితే.. ఈ గులాబీ లవర్ ఎవరో మాత్రం ఇంకా డీటైల్స్ తెలీలేదు. కానీ అమ్మడు ఇంట్రెస్ట్ గా అలంకరించడం చూస్తే.. ఆ సీక్రెట్ లవర్ ప్లాన్ వర్కవుట్ అయినట్లే అనుకుంటున్నారు దగ్గరి వాళ్లు.