డిక్టేట‌ర్ గుండెల్లో సోనాల్ ముల్లు

బాల‌య్య రోజు రోజుకి న‌వ‌మ‌న్మ‌ధుడు అయిపోతున్నాడు. 100వ సినిమాకి చేరువ‌వుతున్నా ఒక‌టో సినిమా హరోలా అదే ఛ‌రిష్మాతో చెల‌రేగిపోతున్నాడు. టీనేజీలోని గ్లామ‌ర్ హీరోలా క‌నిపిస్తున్నాడు. యంగ్‌ హీరోల‌తో పోటీప‌డి న‌టిస్తున్నాడు. అంతేనా అత‌డు న‌టిస్తున్న 99వ సినిమా డిక్టేట‌ర్‌ లో యూత్ ఐక‌న్‌లా క‌నిపిస్తున్నాడు. మిస‌మిస‌లాడే ముద్దుగుమ్మ‌ల‌తో రెచ్చిపోయి డ్యాన్సులాడుతున్నాడు. బాల‌య్య నువ్వు గోల‌య్యా అనిపించే రేంజులో ఉన్నాయి స్టెప్పులు. నిన్న‌టిరోజున డిక్టేట‌ర్ పాటలు మార్కెట్ లో రిలీజ‌య్యాయి. ఈ ఆడియోలో ఓ అదిరిపోయే బీచ్‌ సాంగ్‌ ని లాంచ్ చేశారు.

జీరోసైజ్ మ‌ల్లెపువ్వా క్రేజీ గున్నావే.. సెల్‌ ఫోన్ ముందే పెట్టి సెల్ఫీ అన్నావే.. వార్ బ్రాండ్ మ‌గాడిలా ఆస‌మ్‌ గున్న‌వావే.. హాట్ హాట్ అందాల‌తో యోయో అన్నావే.. వాట్సే బేబే.. వాట్సే బేబే.. అంటూ బాల‌కృష్ణ - సోనాల్ చౌహాన్ జోడీ చేసిన డ్యాన్సింగ్‌ విన్యాసాలు యువ‌త‌రం గుండెల్లో దిగిపోయాయ్‌. ముఖ్యంగా బాల‌య్య‌బాబుకు క‌లిసొచ్చిన ఐటెమ్‌ భామ‌ సోనాల్ మ‌రోసారి అత‌డితో అద‌రిపోయే రేంజులో ఆడిపాడింది. బీచ్ ప‌రిస‌రాల్లో సోనాల్ రెచ్చిపోయి న‌ర్తించింది. సోనాల్ లేనిదే బాల‌య్య లేడు మ‌రి. లెజెండ్ మూవీలో సోనాల్ బికినీ అందాలు యువ‌త‌రానికి న‌చ్చాయి. నాటి నుంచి ఆ సెంటిమెంటునే కొన‌సాగిస్తున్నారు.

ఇక ఇప్పుడు మ‌రోసారి డిక్టేట‌ర్‌ లోనూ త‌న అంద‌చందాల‌తో నంద‌మూరి ఫ్యాన్స్‌ ని చిందులు వేయిస్తోంది. బీచ్ గ‌ట్టుమీద‌.. స్విమ్మింగ్ పూల్ గ‌ట్టున .. అదిరిపోయే రిసార్ట్ లొకేష‌న్‌ లో అద‌ర‌హో అన్న‌ట్టే చిత్రీక‌రించారు ఈ పాట‌ను. రొమాంటిక్ రాజాతో రొమాంటిక్ రాణీలా ఉంది సోనాల్‌. డిక్టేట‌ర్ గుండెల్లోనే కాదు యూత్ గుండెల్లో గులాబీ ముల్లు ఈ సోనాల్‌.