మహర్షి కోసం మరో సుందరి ఫిక్స్

మహేష్ బాబు ప్రస్తుతం తన ల్యాండ్ మార్క్ 25 వ చిత్రం 'మహర్షి' లో నటిస్తున్నాడు. వంశీ పైడిపల్లి దర్శకత్వంలో తెరకెక్కుతున్న ఈ సినిమాలో మహేష్ కు జోడీగా బ్యూటిఫుల్ పూజా హెగ్డే నటిస్తోంది. ఇప్పటివరకూ ఈ సినిమాలో ఒకే హీరోయిన్ అని అందరూ అనుకున్నారు గానీ వంశీ మాత్రం మరో హీరోయిన్ ను సెలెక్ట్ చేసి అందరికీ సర్ ప్రైజ్ ఇచ్చాడు.

ఈ సినిమాలో మహేష్ మూడు విభిన్న దశాలలో విభిన్న కోణాలలో కనిపిస్తాడు. స్టూడెంట్ గా.. ఒక కార్పోరేట్ సంస్థ కు అధిపతిగా.. రైతుల సమస్యలు తీర్చేందుకు ప్రయత్నించే వ్యక్తిగా మహేష్ కనిపిస్తాడని అంటున్నారు. ఇందులో అమెరికాలో కార్పోరేట్ కంపెనీ హెడ్ గా ఉన్న సమయంలో హీరోకు ఒక అమ్మాయి కనెక్ట్ అవుతుందట. ఆ పాత్ర కోసమే సోనాల్ చౌహాన్ ను ఎంపిక చేశారట. మహేష్ సినిమాలో ఛాన్స్ రావడం అంటే జాక్ పాట కొట్టినట్టే కదా? గతంలో సోనాల్ 'లెజెండ్'.. 'పండగ చేస్కో'.. 'డిక్టేటర్' లాంటి సినిమాలో నటించింది. ముందుగా ఈ పాత్రకు మెహ్రీన్ ను తీసుకుందామని అనుకున్నారటగానీ ఫైనల్ గా మాత్రం సోనాల్ కే వోట్ పడిందట.

అమెరికా లో ఒక లాంగ్ షెడ్యూల్ పూర్తిచేసుకుని 'మహర్షి' టీమ్ రీసెంట్ గానే ఇండియా కు తిరిగి వచ్చారు. హైదరాబాద్ లో ఇప్పుడు షూటింగ్ జరుగుతోంది. మరోసారి అమెరికా షెడ్యూల్ కూడా ప్లాన్ చేస్తున్నారు. దాంతో మెజారిటీ షూటింగ్ పూర్తవుతుందట. వచ్చే ఏడాది సమ్మర్ లో ఈ సినిమా ప్రేక్షకుల ముందుకు రానుంది.