సోనాల్ లింగ‌రీ షోలు వ‌ర్క‌వుట్ అయ్యేదెలా?

సోనాల్ చౌహాన్ .. చాలా కాలంగా హైడ్ అయిపోయిన పేరు ఇది. అప్పుడ‌ప్పుడు సోష‌ల్ మీడియా ఫోటోషూట్లు మిన‌హా ఈ అమ్మ‌డిని ఇటీవ‌ల ఎవ‌రూ ప‌ట్టించుకున్న‌దే లేదు. కెరీర్ ప‌రంగా ఖాళీ అయిపోవ‌డమే ఇందుకు కార‌ణం.

తాజాగా సోనాల్ లింగ‌రీ ఫోటోషూట్ అభిమానుల్లో వైర‌ల్ గా మారింది. ఓ ప్ర‌ముఖ బ్రాండెడ్ కంపెనీ బ్రా కి ప్ర‌చారం చేస్తున్న ఈ బ్యూటీ లేటెస్ట్ ఫోటోషూట్ ని ఇన్ స్టా వేదిక‌గా రివీల్ చేసింది. ఇక బాట‌మ్ వేర్ ప‌రంగా లూజ్ బ్యాగీ ఫ్యాంటుతో ఎంతో స్టైలిష్ గా క‌నిపిస్తున్న ఈ బ్యూటీ వైట్ లింగ‌రీ టాప్ తో ప్ర‌త్య‌క్ష‌మైంది. ప్ర‌స్తుతం ఈ ఫోటో యువ‌త‌రంలో వైర‌ల్ అవుతోంది.

టాలీవుడ్ లో యువ‌హీరోల స‌ర‌స‌న న‌టించిన సోనాల్ చౌహాన్ కి ప‌రిశ్ర‌మ అగ్ర హీరో బాల‌కృష్ణ అవ‌కాశం ఇచ్చినా ఎందుక‌నో ఏమాత్రం క‌లిసి రాలేదు. అటుపై బాలీవుడ్ కి వెళ్లాక‌.. అక్క‌డ క్రికెటర్ కెఎల్ రాహుల్ తో డేటింగ్ చేస్తోంది అంటూ పుకార్ షికార్ చేసింది. ఏదో ఒక సంచ‌ల‌నంతో వార్త‌ల్లో నిలిచినా కానీ బాలీవుడ్ కూడా ప‌ట్టించుకోలేదు.

జ‌న్న‌త్ లో ఇమ్రాన్ హష్మిని రొమాన్స్ చేసిన సోనాల్ చౌహాన్ గత దశాబ్దంలో హిందీ- తెలుగు- తమిళ భాషలలో న‌టించింది. చివరిసారిగా 2018 చిత్రం `పాల్తాన్` లో కనిపించింది. ప్ర‌స్తుతం మ‌హేష్ మంజ్రేక‌ర్ తెర‌కెక్కిస్తున్న థ్రిల్ల‌ర్ మూవీ ప‌వ‌ర్ లో ఒక కీల‌క పాత్ర‌ను పోషిస్తోంది. ఇది మిన‌హా ఆఫ‌ర్లేవీ లేవు. సోనాల్ ఇప్ప‌టికీ ప్ర‌య‌త్నాల్లోనే ఉంది. క‌నీసం ఈసారి అయిన తెలుగు హిందీలో మేక‌ర్స్ ఎవ‌రైనా ఆఫ‌ర్లు ఇస్తారేమో చూడాలి.