బాల‌య్య హీరోయిన్ కంటికి కునుకు ప‌ట్ట‌నివ్వ‌దుగా!

సోనాల్ చౌహాన్ ప‌రిచ‌యం అవ‌స‌రం లేదు. న‌టసింహా నంద‌మూరి బాల‌కృష్ణ స‌ర‌స‌న వ‌రుస చిత్రాల్లో న‌టించి ఆక‌ట్టుకుంది. లెజెండ్- రూల‌ర్- డిక్టేట‌ర్ లాంటి చిత్రాల్లో న‌టించింది. త‌ర్వాత ఎఫ్ 3 లాంటి రొమాంటిక్ కామెడీతో మ‌రో విజ‌యాన్ని ఖాతాలో వేసుకుంది. ఇటీవ‌లే నాగార్జున 'ది ఘోస్ట్' చిత్రంతో కంబ్యాక్ అయ్యింది. ఈ సినిమా విజ‌యంపై సోనాల్ చాలా హోప్స్ పెట్టుకున్నా కానీ ఘోస్ట్ ఆశించిన‌ది ఇవ్వ‌లేదు.

నాగార్జున -సోనాల్ చౌహాన్ కాంబినేష‌న్ లో యాక్షన్ ఎంటర్ టైనర్ ది ఘోస్ట్ అక్టోబర్ 5 న దసరా సందర్భంగా సినిమా హాళ్లలో విడుద‌లైంది. విడుదల స‌మ‌యంలో సోనాల్ చాలా హంగామా సృష్టించింది. చిత్ర‌బృందానికి స‌హ‌క‌రిస్తూ మూవీకి చ‌క్కని ప్ర‌చారం చేసింది. ఇప్ప‌టికీ సోష‌ల్ మీడియాల్లో ఘోస్ట్ గురించి ఏదో ఒక ప్ర‌చారం చేస్తూనే ఉంది. నెట్ ఫ్లిక్స్- ఇండియాలో ఘోస్ట్ నంబ‌ర్ 1 స్పాట్ లో ఘోస్ట్ ట్రెండింగ్ అవుతోంది అంటూ తాజాగా సోనాల్ ట్వీట్ చేసింది.

ఇక సోనాల్ షేర్ చేసిన‌ లేటెస్ట్ ఫోటోషూట్ అంతే వైర‌ల్ గా మారింది.  సోనాల్ డిజైన‌ర్ ఇన్న‌ర్.. పొట్టి నిక్క‌రులో మైండ్‌బ్లోయింగ్ లుక్ తో వేడి పెంచింది. కొత్త లుక్ లో ఈ బ్యూటీ అందాల‌ ఎలివేష‌న్ మ‌తులు చెడ‌గొట్టింది. ఇన్ స్టాలో సోనాల్ వ‌రుస ఫోటోషూట్లు కుర్ర‌కారు కంటికి కునుకుప‌ట్ట‌నివ్వ‌ని ట్రీటిస్తున్నాయి. ఇదే వ‌రుస‌లో తాజా ఫోటోషూట్ వైర‌ల్ గా మారుతోంది.

ఘోస్ట్ మూవీ కన్నడ - మలయాళం వెర్షన్ లతో ఇరుగు పొరుగు భాష‌ల్లోను సోనాల్ ట్రీట్ అదిరింది. ఇక‌పై త‌న‌కు అవ‌కాశాలు పెరుగుతాయ‌న‌డంలో సందేహం లేదు. త‌దుప‌రి ప్రభాస్ ఆదిపురుష్ లోను సోనాల్ ఓ పాత్ర‌లో మెర‌వ‌నుంది. ఓం రౌత్ దర్శకత్వం వహిస్తున్న‌ ఆదిపురుష్ 3డి చిత్రం 2023లో విడుదల కానుంది. ప్రభాస్‌- సైఫ్‌ అలీఖాన్‌ హీరోలుగా నటిస్తున్న ఈ చిత్రంలో సోనాల్‌ చౌహాన్ ఓ కీల‌క పాత్ర‌లో నటిస్తోంది.

ఓం రౌత్ బాలీవుడ్‌లో తనాజీ: ది అన్‌సంగ్ వారియర్ సినిమాతో దర్శకుడిగా పరిచయం అయ్యాడు. ఆయన దర్శకత్వం వహించిన తదుపరి చిత్రం ఆదిపురుష్ ఇతిహాసం రామాయణం ఆధారంగా రూపొందుతున్న‌ పౌరాణిక చిత్రం. ఈ సినిమాలో రాఘవగా ప్రభాస్- జానకిగా కృతి సనన్- లంకేష్ పాత్రలో సైఫ్ అలీఖాన్ నటిస్తున్నారు.

ఆదిపురుష్ లో న‌టిస్తున్నాన‌ని సోనాల్ ఇంత‌కుముందే స్వ‌యంగా ధృవీక‌రించింది. నేను ఆదిపురుష్ లో భాగమయ్యాను.. చాలా సంతోషిస్తున్నాను. నేను ఇప్పటివరకు చేసిన సినిమాల‌తో పోలిస్తే ఇది చాలా భిన్నమైన ప్రపంచం. ఈ భారీ ప్ర‌యోగాత్మ‌క చిత్రాన్ని ప్రేక్షకులు ఎంజాయ్ చేస్తారనే నమ్మకం ఉంది అని సోనాల్ వ్యాఖ్యానించింది. సోనాల్ చౌహాన్ పౌరాణిక ప్రాజెక్ట్ లో కనిపించడం ఇదే తొలిసారి. ఆదిపురుష్ లో నిజానికి ప్రధాన పాత్ర పోషించాల్సిన జాక్వెలిన్ ఫెర్నాండెజ్ స్థానంలో సోనాల్ ని టీమ్ ఎంపిక చేసింది. జాక్విలిన్ ఇత‌ర వివాదాల్లో ఉండ‌డం వ‌ల్ల అరుదైన‌ అవ‌కాశం త‌న‌ను వ‌రించింది. అయితే ఈ ఆఫ‌ర్ ని యంగ్ బ్యూటీ స‌ద్వినియోగం చేసుకుంటుంద‌నే ఆశిద్దాం.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.