ఫోటో స్టోరి: తగ్గించుకుంటున్న బాలయ్య భామ

ఈ ఫిట్నెస్ ఛాలెంజ్ వల్ల నిజంగా జిమ్ కి వెళుతున్న జనాలు ఉన్నారో లేదో తెలీదు కానీ మన సెలెబ్రిటీలు మాత్రం సోషల్ మీడియా లో కన్నుల పండగ చేస్తున్నారు. ఈ లిస్ట్ లో మరొక భామ కూడా చేరిపోయింది. ఆమె ఎవరో కాదు. సోనాల్ చౌహన్. వర్కౌట్లు చేస్తూ వీడియో పెట్టలేదు కానీ #హమ్ ఫిట్ తో ఇండియా ఫిట్ అనే హాష్ టాగ్ వాడుతూ తన అందాలు ఆరబోస్తూ ఒక ఫోటో పెట్టింది ఈ భామ.

జన్నత్ అనే హిందీ సినిమాతో అరంగేట్రం చేసిన ఈమె తెలుగులో రెయిన్ బో అనే సినిమా చేయినప్పటికి పెద్ద గుర్తింపు రాలేదు. కానీ లెజెండ్ సినిమాతో బాలయ్య బాబు తో తెరపైన కనిపించినప్పటినుండి బాగానే ఫేమ్ సంపాదించింది. పండగ చేస్కో - షేర్ - సైజ్ జీరో - డిక్టేటర్ అనే సినిమాలు చేసిన సోనాల్ ఇప్పుడు జాక్ అండ్ దిల్ అనే హిందీ సినిమా చేస్తోంది. ఈమధ్య ఈమె తన శరీరాన్ని మరల నిర్మిస్తోందట. మళ్ళీ నిర్మించడం ఏమిటా అని ఆశ్చర్యపోకండి బరువు తగ్గే పనిలో జిమ్ లో తెగ కసరత్తులు చేస్తోందట. అలా చేస్తున్న ఒక ఫోటోనే సోషల్ మీడియాలో తన ఫాన్స్ తో పంచుకుంది.

ఇంత సడన్ గా ఈమె తన శరీరాకృతి మీద ఎందుకు దృష్టి పెట్టి ఉంటుంది? సినిమాలో ఆఫలకోసమో లేక ఏదైనా పాత్ర కోసమో కాదు, కొవ్వు కరిగించడాని అని ఆమె స్వయంగా ఒప్పుకుంది. గత నెల తన పుట్టినరోజు నెల కావడంతో చాక్లెట్లు - కేకులు తెగ తినెయ్యడంతో బరువు పెరిగిందంట. అందుకే ఇప్పుడు మళ్లీ ఫిట్ గా మారిపోదాం అని ప్రయత్నాలు చేస్తోంది ఈ ముద్దుగుమ్మ.