అభిమానుల గుండె లేచి పరిగెట్టింది

అది ముంబయ్‌ ఎయిర్‌పోర్టు.. డొమస్టెక్‌ టెర్మినల్‌ పార్కింగ్‌ ఎంట్రన్స్‌ దగ్గర సడన్‌గా కోలాహం.. ఇంతకీ ఏంటా విషయం అని చూస్తే అక్కడ సడన్‌గా ఓ యువతి ప్రత్యక్షమైంది. అసలు ఈమె ఇంత త్వరగా ఇలా లేచి వచ్చేస్తుందా అని అనుకున్న ఫ్యాన్స్‌ అందరూ ఆమెను చూసి ఆనందపడ్డారు. ఆ అభిమానుల గుండె లేచి మైకెల్‌ జాక్సెన్‌ రేంజులో మూన్‌ వాకర్‌ స్టెప్పేసింది. ఇంతకీ ఎవరా లేడీ?

బికినీల్లో మత్తెక్కించ్చింది.. ఇంజన్‌ కీ సీటీ అంటూ పాటలతో కిక్కిచ్చింది.. ఇక తన సినిమాల్లోనే కాదు బయట కూడా తన స్టయిల్‌కు తిరుగుండదు అన్నట్లు చంపేసిందీ భామ. పేరు సోనమ్‌ కపూర్‌. ఇంతకంటే ఇంట్రొడక్షన్‌ అవసరం లేదేమో. అమ్మడు అప్పట్లో స్వైన్‌ ఫ్లూ కారణంగా మంచాన పడింది. ఒక్కసారిగా సినీ లోకాన్ని షాక్‌లోకి నెట్టేసింది. సెలబ్రిటీలకు కూడా ఇలాంటి ఫ్లూలు వస్తాయా అన్నట్లు ఖంగారుపెట్టేసింది. ఇకపోతే అమ్మడు వారం రోజుల ట్రీట్‌మెంట్‌ తరువాత హ్యపీగానే ఇంటికెళ్ళిపోయిందిలేండి. ఇక ఈరోజు నుండి మళ్ళీ వివిధ ఎసైన్‌మెంట్స్‌ తీసుకోవడం స్టార్ట్‌ చేసింది. త్వరలోనే సల్మాన్‌ ఖాన్‌తో కలసి షూటింగ్‌లో కూడా పాల్గొంటుంది. ఈరోజు అందుకే ఇలా ఎయిర్‌పోర్టులో దర్శనమిచ్చింది.. ఎక్కడికో పనిమీద అమ్మడు బయటకు వెళుతోందిలే...