పాయింట్ బ్లాంక్ లో సోనమ్ పై గురి

సోనమ్ కపూర్ ప్రధాన పాత్రలో నటిస్తున్న నీర్జా మూవీ కి మొదటి అఫీషియల్ పోస్టర్ రిలీజ్ అయింది. పాయింట్ బ్లాంక్ లో సోనమ్ నుదుటిపై రివాల్వర్ ఆనించిన పోస్టర్.. చాలా ఇంట్రెస్టింగ్ ఉంది. భయమే తనకు ధైర్యాన్ని నేర్పింది అనే కాప్షన్ కూడా క్యాచీగా ఉంది. ఓ రియల్ లైఫ్ ఇన్సిడెంట్ నే నీర్జాగా తెరకెక్కిస్తుండడంతో... ఈ మూవీపై చాలా ఆసక్తి నెలకొంది.

1986లో కరాచీ నుంచి బయల్దేరిన ఓ పాన్ అమెరికన్ ఎయిర్ వేస్ ఫ్లైట్ ను హైజాక్ చేస్తారు ఉగ్రవాదులు. ఆ సంఘటనలో 359 మందిని కాపాడి చివరకు ప్రాణం పోగొట్టుకుంది ఫ్లయిట్ అటెండెంట్ నీర్జా భానోట్. ఆమె స్టోరీనే ఇప్పుడు సోనమ్ చేస్తున్న నీర్జా. 30 ఏళ్ల క్రితం జరిగిన యదార్ధ సంఘటనే నీర్జా. సోనమ్ కెరీర్ నే పూర్తిగా ఛేంజ్ చేసేసే అవకాశం ఉన్న సినిమాగా నీర్జాను అంచనా వేస్తున్నారు బాలీవుడ్ జనాలు. ఫ్లైట్ అటెండెంట్ రోల్ లో సోనమ్ పర్ ఫెక్ట్ గా సెట్ అయిందనే కితాబులు ఇప్పటికే దక్కాయి. గతంలోనే రిలీజ్ చేసిన ట్రైలర్ చాలా మందిని ఆకట్టుకుంది. రిలేషన్స్, సెంటిమెంట్స్ ఆధారంగా ఫీలింగ్స్ చూపిస్తూ సాగిన ట్రైలర్ లో సోనమ్ కపూర్ స్పెషల్ అట్రాక్షన్.

30 ఏళ్ల క్రితం జరిగిన గతాన్ని కళ్లకు కట్టినట్లుగా చూపించబోతున్నారనే విషయం ట్రైలర్ లోనే అర్ధమవుతోంది. ఈ పాత్ర సోనమ్ కపూర్ కెరీర్ లో ఓ ల్యాండ మార్క్ గా నిలిచే అవకాశాలు చాలానే ఉన్నాయి. ఇందుకు తగ్గట్లుగానే నీర్జాకి సంబంధించిన ప్రతి చిన్న అప్ డేట్ కూడా చాలా క్యూరియాసిటీ కలిగిస్తోంది.