సోనమ్ భాయ్ ఫస్ట్ లుక్ సూపర్

బాలీవుడ్ బ్యూటీ సోనమ్ కపూర్ మాంచి జోరు మీదుంది. ఇప్పటివరకూ గ్లామర్ రోల్స్ కి మాత్రమే ఈ భామ పరిమితం అనుకునే వాళ్లకు, నీర్జా మూవీతో తన ట్యాలెంట్ చూపించి షాక్ ఇచ్చింది సోనమ్. ఆ సంతోషం ఇంకా సోనమ్ ఫేస్ లో కనిపిస్తూనే ఉంది. ఇప్పుడు తనకు ఆనందం కలిగించే వార్తను అభిమానులతో షేర్ చేసుకుంది సోనమ్ కపూర్.

సోనమ్ సోదరుడు హర్షవర్ధన్ కపూర్ కూడా బాలీవుడ్ లో అరంగేట్రం చేస్తున్నాడు. మిర్జయా అనే చిత్రంతో ఇతగాడు హీరోగా ఎంట్రీ ఇస్తున్నాడు. ఈ చిత్రంలో తన బ్రదర్ ఎలా ఉంటాడో ఫస్ట్ లుక్ చూపించింది సోనమ్. ఓ బ్లాక్ అండ్ వైట్ పిక్చర్ ను సోషల్ సైట్లలో పోస్ట్ చేసిన ఈ సుందరాంగి.. తన సోదరుడి లుక్ ని తెగ పొగిడేసింది.

'హర్షవర్ధన్ కపూర్ ని మిర్జయాతో పరిచయం చేస్తున్నా. ఏం ఉన్నావ్ బ్రదర్' అంటూ ట్వట్ చేసింది సోనమ్. పొడవాటి చుట్టు, గుబురుగా పెంచిన గడ్డం, పొడుగ్గా పెంచిన మీసం... నిజంగానే హర్షవర్ధన్ లుక్ చాలా డిఫరెంట్ గా ఉంది. 'ది లెజెండ్ ఆఫ్ మిర్జా-సాహిబా'అనే పాత కథ ఆధారంగా రాసుకున్న స్టోరీనే ఈ మూవీ. అక్టోబర్ 7న మిర్జయా థియేటర్లలోకి రానుంది.