మిర్రర్ సెల్ఫీలో హీరోయిన్ బేబీ బంప్

వృత్తిగ‌త జీవితం వేరు.. వ్య‌క్తిగ‌త జీవితం వేరు! రెండిటినీ బ్యాలెన్స్ చేసిన‌ప్పుడే లైఫ్ ప‌రిపూర్ణం అవుతుంది. కానీ ఇది అంద‌రికీ సాధ్యం కానిది. కొంద‌రికి మాత్ర‌మే సాధ్య‌మైన‌ది. కపూర్ వంశ‌పు ఫ్యాష‌నిస్టా న‌టి సోన‌మ్ క‌పూర్ ఇప్పుడు రెండిటినీ బ్యాలెన్స్ చేస్తూ హాట్ టాపిక్ గా మారింది. బిజినెస్ మేన్ అహూజాని ప్రేమించి పెళ్లాడిన సోన‌మ్ ఇప్పుడు ఒక బిడ్డ‌కు మామ్ అవుతోంది.

హిందీ చిత్రసీమలో టాప్ హీరోయిన్లలో సోనమ్ కపూర్ ఒకరిగా ఉన్నారు. పెళ్లయినప్పటి నుండి లండన్ వెళ్లిన సోనమ్ అక్కడే సొంతంగా గార్మెంట్ బిజినెస్ ప్రారంభించారు. అడ‌పాద‌డ‌పా సినిమాల్లో న‌టిస్తూనే బిజినెస్ ని కొన‌సాగిస్తున్నారు. కొన్ని వారాల క్రితం సోనమ్ తన గర్భాన్ని ప్రకటించారు. ఇప్పుడు ఆమె తన భారీ బేబీ బంప్ ను ప్రదర్శిస్తున్న ఒక స్నాప్ ను వెల్లడించ‌గా వైర‌ల్ గా మారింది. మిర్రర్ సెల్ఫీలో సోనమ్ క్యూట్ గా కనిపిస్తోంది. సోనమ్ భర్త ఆనంద్ అహూజా కూడా గ‌తంలో సోనమ్ కి సంబంధించిన‌ కొన్ని ఫోటోలను పోస్ట్ చేశారు. ప్రస్తుతం ఈ ఫోటోలు సోషల్ మీడియాలో వైరల్ గా మారాయి.

అనీల్ క‌పూర్ వార‌సురాలిగా బాలీవుడ్ లోకి ఎంట్రీ ఇచ్చిన స్టార్ డాట‌ర్ సోన‌మ్ కపూర్ (36) ప్రోఫెష‌న‌ల్ కెరీర్ ప్రారంభ‌మై ద‌శాబ్ధం పూర్త‌యింది. న‌టిగా ప‌రిణ‌తి చెందాక వ‌రుస‌గా అవార్డులు అందుకుంది. ఇంత‌కుముందు వీరే ది వెడ్డింగ్ లాంటి క్లాసిక్ హిట్ చిత్రంలో న‌టించింది. ఆ త‌ర్వాతా ఏకే వ‌ర్సెస్ ఏకేలో న‌టించి మెప్పించింది. హీరోయిన్ గా ఈ ప‌దేళ్ల‌లో ఏడాదికి ఒక‌టి చొప్పున చేస్తూ కెరీర్ ని సాగించింది. అయితే పెళ్లి త‌ర్వాత కావాల‌నే సినిమాలు త‌గ్గించ‌డంపై అభిమానులు త‌న‌ని ప‌దే ప‌దే ప్ర‌శ్నిస్తున్నారు. త‌న భ‌ర్త‌తో క‌లిసి విదేశాల్లో సెటిలైన సోన‌మ్ ఇండియాలో ఉంటున్న‌ది కూడా త‌క్కువే. అందుకే సినిమాలు త‌గ్గాయి.

ఆ విష‌యాలు ప‌క్క‌న బెడితే సోన‌మ్ ఫ్యాష‌న్ ఐకన్ గా ఇప్ప‌టికీ దూసుకుపోతుంది. మ్యాగ‌జైన్ క‌వ‌ర్ పేజీల కోసం అమ్మ‌డు ఇచ్చే ఫోజులు వైర‌ల్ గా మారుతున్నాయి. ప్ర‌స్తుతం సోన‌మ్ క‌పూర్ బ్లైండ్ అనే చిత్రంలో న‌టిస్తోంది. ఇందులో సోన‌మ్ మెయిన్ లీడ్..క‌థ అంతా సోన‌మ్ పాత్ర చుట్టూనే తిరుగుతుంది. ఇది నాయికాప్ర‌ధాన చిత్రం. పుర‌బ్ కోహ్లీ..విన‌య్ ప‌ఠ‌క్ ముఖ్య పాత్ర‌లు పోషిస్తున్నారు. సోమేష్ మ‌ఖిజా ద‌ర్శ‌క‌త్వం వ‌హిస్తున్నారు.

సోన‌మ్ స్వ‌గ‌తం ఇదీ..!

2007 లో సినీరంగంలో ప్ర‌వేశించిన సోన‌మ్ పరిశ్రమలో టాప్ హీరోయిన్ గా ఎదిగారు. కెరీర్ ఆరంభ‌మే సినీన‌టిగా కేన్స్ స‌హా ఎన్నో అవార్డ్ వేదిక‌ల‌పై సోన‌మ్ కి అరుదైన గౌర‌వం ద‌క్కింది. ఆ క్ర‌మంలోనే బిజినెస్ మేన్ ఆనంద్ అహుజాతో ప‌రిచ‌యం ప్రేమ కథ సినిమానే త‌ల‌పిస్తుంది.

2018 లో ఆనంద్ అహూజాని సోనమ్ పెళ్లాడారు. ప్రేమ్ రతన్ ధన్ పాయో (2015) ప్రమోషన్లలో బిజీగా ఉన్నప్పుడు ఆనంద్ ను ఆమె కలిసింది. అహూజాకి అస‌లు సోన‌మ్ తండ్రి గురించి తెలీద‌ట‌. కామ‌న్ ఫ్రెండ్ ద్వారా సోన‌మ్ ని క‌లిసాక ల‌వ్ లో ప‌డిపోయాడు పెళ్లాడేశాడు. క‌పూర్ ఫ్యామిలీ బ్లెస్సింగ్ అనంత‌రం ఈ జంట ఆద‌ర్శ జీవ‌నం ప్ర‌తిసారీ చ‌ర్చ‌కు వ‌స్తోంది. సోన‌మ్ త‌న పుట్టినరోజు సందర్భంగా ఆనంద్ `ఎప్పటికీ వాల్ పేపర్` అని వ్యాఖ్య‌ను జోడిస్తూ వారిద్దరి ఫోటోతో శుభాకాంక్షలు తెలిపారు. సోన‌మ్ లండ‌న్ లో ఉన్నా ముంబైకి త‌రచూ వచ్చి వెళుతుంటుంది.