రివ్యూ రైటింగ్ కి హీరోయిన్ రెడీ

బాలీవుడ్ లో ఎప్పటికప్పుడు టాప్ ట్రెండింగ్ హీరోయిన్ గా సోనమ్ కపూర్ కు బోలెడంత పేరుంది. న్యూ జెన్ ఫ్యాషన్ ని ఇంట్రడ్యూస్ చేయడమే కాదు.. తన అందాల ప్రదర్శనతో అభిమానులకు కనుల విందు చేయడంలో ఈ సుందరాంగి సంథింగ్ స్పెషల్. కేవలం గ్లామర్ తోనే కొన్నేళ్లు నెట్టుకొచ్చేసినా.. నీర్జా తర్వాత అమ్మడి యాక్టింగ్ ట్యాలెంట్ పై కూడా ఫ్యాన్స్ కి కాన్ఫిడెన్స్ వచ్చింది.

రివ్యూ రైటింగ్ కూడా స్టార్ట్ చేసేస్తున్నా అంటూ సోనమ్ కపూర్ ఓ రేంజ్ షాక్ నే ఇచ్చింది. అయితే.. బుక్ రివ్యూలు రాస్తానని చెప్పి ఆ షాక్ కి ఓ క్లారిటీ కూడా అందించింది. హఠాత్తుగా ఇలా పుస్తక సమీక్షల మీద మనసు పడ్డానికి కారణం.. రీసెంట్ గా ఈమె పుట్టిన రోజున కుప్పలు తెప్పలుగా బుక్స్ గిఫ్ట్ రావడమేనట. సహజంగానే పుస్తకాలు అంటే తెగ ఇష్టపడే సోనమ్ కపూర్ ఇష్టాన్ని గమనించి.. చాలామంది బుక్స్ నే గిఫ్ట్ ఇచ్చారట.

అందుకే వీటన్నిటినీ చదివేయాలని డిసైడ్ అయిపోయిందట నీర్జా సుందరి. ఇకపై ప్రతీ రోజు రాత్రి ఒక బుక్ చదివేసి.. రివ్యూ కూడా రాసేస్తానని అంటోంది. అంతే కాదు.. ఆ రివ్యూలను ఓ మొబైల్ యాప్ ద్వారా అభిమానులకు కూడా అందించనుందట. ఫ్యాషన్ వరల్డ్ లో గ్లామర్ డాల్ గా ఉన్న సోనమ్.. బుక్ రివ్యూలను రాయాలనే డెసిషన్ తీసుకోవడం ఆశ్చర్యకరమైన విషయమే.