స్టార్‌ హీరోయిన్‌.. ఐదుగురితో డైరక్షన్‌

80 కేజీల బ‌రువుండే సోన‌మ్ ఏకంగా 35 కిలోల బ‌రువు త‌గ్గి 45 కేజీల స‌న్న‌జాజిలా త‌యారైపోయింది. అదంతా సంజ‌య్ లీలా భ‌న్సాలీ సావారియా చిత్రం కోసం. ఆ చిత్రంతో హీరోయిన్‌ గా ఎంట్రీ ఇచ్చిన ఈ అమ్మ‌డిని చూసి అంతా షాక్ తిన్నారు. డ్ర‌మ్ములా ఉండేది, స్లిమ్ముగా అయిపోయిందే అంటూ బాలీవుడ్ అంత‌టా ఒక‌టే కాంప్లిమెంట్లు. అయితే అదంతా సినిమా నాయిక‌గా రాణించాల‌న్న ప‌ట్టుద‌ల‌తో సాధించుకున్న‌ది. సేమ టైమ్ సోన‌మ్ తెలివిగా ద‌ర్శ‌క‌త్వంలో ఎన్నో మెలుకువ‌లు నేర్చుకుంది.

సంజ‌య్ లీలా భ‌న్సాలీ వ‌ద్ద అసిస్టెంట్ డైరెక్ట‌ర్‌ గా ప‌నిచేసింది సోన‌మ్ క‌పూర్‌. భారీ చిత్రాల ద‌ర్శ‌క‌నిర్మాత సంజ‌య్‌ తో ప‌నిచేసిన అనుభ‌వాన్ని ఏదో ఒక‌రోజు ఉప‌యోగించాల‌నుకుంటోంది. అందుకే ఇప్ప‌ట్నుంచి ఎవ‌రెవ‌రితో సినిమా తీయాలి అన్న జాబితాని రెడీ చేసుకుంటోంది.

దీపిక ప‌దుకొన్‌ - అనుష్క శ‌ర్మ‌ - ప‌రిణీతి - ఆలియాభ‌ట్ - స్వ‌ర భాస్క‌ర్ .. ఈ ఐదుగురితో సినిమాలు త‌ప్ప‌క తీస్తాన‌ని అంటోంది. ఒక క‌థానాయిక అయి ఉండి ఇంత‌మందితో చ‌క్క‌ని రిలేష‌న్ మెయింటెయిన్ చేస్తోంది. అన్న‌ట్టు సోన‌మ్ అస‌లు సోనాక్షి పేరు ఎందుకు చెప్ప‌లేదు? ప‌్చ్ .. ఇద్ద‌రి మ‌ధ్యా ఏం ఉందో? ఏదేమైనా సోనమ్‌ కొత్త సినిమా ప్రేమ్‌ రతన్‌ దన్‌ పాయో దీపావళికి విడుదలవుతోంది.