ఏంటి మహర్షి నిజమేనా?

సూపర్ స్టార్ మహేష్ బాబు మహర్షి రాకకు అట్టే సమయం లేదు. మొన్నటి దాకా ఇంకా మే 9 దూరముంది కదా అనిపించింది కాని తీరా చూస్తే ఇప్పుడు పట్టుమని చేతిలో నెల రోజులు కూడా లేవు. ఇంకా బాలన్స్ టాకీ పార్ట్ కోసం అబు దాబిలో చిన్న షెడ్యూల్ పెండింగ్ ఉంది. దాని కన్నా ముందు ఇన్ డోర్ సెట్స్ లో తీయాల్సిన రెండు పాటలు ఉన్నాయి. పరిస్థితి చూస్తుంటే అనుకున్న టైంలో ఇవన్ని పూర్తి చేయడం చాలా కష్టంగా ఉండటంతో ఇష్టం లేకపోయినా ఒక పాటను తీసేయబోతున్నట్టు తాజా అప్ డేట్.

అవసరమైతే విడుదలయ్యాక ఆ సాంగ్ ని కలిపే ఆలోచన చేస్తున్నట్టుగా తెలిసింది. ఇంత ఆలస్యంగా షూటింగ్ పూర్తి చేస్తున్నా ఒక్క పాటను తీసేయడం అంటే ప్రిన్స్ ఫ్యాన్స్ కు చేదు వార్తే. ఇది దర్శకుడు వంశీ పైడిపల్లి ప్లానింగ్ లోపమా లేక ఇంకేవైనా కారణాలు ఉన్నాయా తెలియడం లేదు. టీజర్ మిలియన్ల వ్యూస్ తో హోరెత్తిపోతున్నప్పటికీ రెస్పాన్స్ కొంత డివైడ్ గానే ఉంది

కాని ఇక్కడో రిస్క్ ఉంది. ఇప్పుడు ట్రెండ్ ప్రకారం కొత్త పాటలు లేదా సీన్లు జోడిస్తే జనం అదే పనిగా థియేటర్ కు వచ్చే సీన్ లేదు. ఆ మధ్య ఎఫ్2 కు కొన్ని సన్నివేశాలు కలిపితే ఎవరూ పెద్దగా పట్టించుకోలేదు. ఆ సమయానికే అందరూ సినిమాను చూసేయడంతో ఆ కాసిన్ని సీన్స్ కోసం డబ్బులు ఖర్చు పెట్టుకుని మళ్ళి ఎందుకు వెళ్ళడం అనుకున్నారు. మహేష్ రేంజ్ వేరే అనుకున్నా ఇలా పాట కోసం టికెట్లు కోని మళ్ళి చూసేవాళ్ళు అభిమానులే ఉంటారు. సినిమా హిట్ అయితేనే ఈ కలపడాలు లాంటివి అందంగా ఉంటాయి. మరి మహర్షి విషయంలో ఇప్పుడొచ్చిన అప్ డేట్ నిజమో కాదో ఆడియోలోని నెంబర్ తో సినిమా వచ్చాక పోలిస్తే సరి