సోనియా గాంధీ లవ్ స్టోరీపై సినిమా..

బాలీవుడ్ లో బయోపిక్ ల మాటేమిటో కానీ ప్రముఖ వ్యక్తుల్లో గొప్పదనంతోపాటు వారి రహస్యాలూ బయటపడే సందర్భాలు వస్తున్నాయి. తాజాగా రాజీవ్ - సోనియాగాంధీల లవ్ స్టోరీపై సినిమా తీస్తున్నారట. అయితే.. బాలీవుడ్ సినిమా కాదు.. ఫక్తు ఇంగ్లీష్ సినిమా. సోనియా - రాజీవ్ ల స్టోరీ అనగానే రాజకీయాలు వంటి ఎన్నో అంశాలు గుర్తుకొస్తాయి. కానీ ఇందులో అలాంటివి ఏమీ ఉండవట .. మొత్తం వారి లవ్ స్టోరీయే ఉంటుందట. రాజీవ్‌ - సోనియాల మధ్య పరిచయం ఎలా జరిగింది.. ఇద్దరి మధ్య బంధం ఎలా ఏర్పడింది.. పెళ్లి వరకు అది ఎలా వెళ్లింది.. పేరెంట్సును ఎలా ఒప్పించారు వంటి ప్రతి యాంగిల్ ను టచ్ చేస్తూ సినిమా రూపొందిస్తున్నారట.

ఇంతకీ ఈ ప్రముఖ నేతల పాత్రల్లో నటించేదెవరో తెలుసా.. రాజీవ్‌ గా బుల్లితెర నటుడు కరణ్‌ వీర్ బోరా - సోనియాగా ప్రియా బెనర్జీ నటిస్తున్నారు. ఇప్పటివరకు సినీ ప్రముఖులు, కపుల్స్ గురించి చాలా చిత్రాలు వచ్చినా రాజకీయ నాయకుల లవ్ స్టోరీలపై మాత్రం సినిమాలు రాలేదు. కాగా ఈ సినిమాకు ‘ఇజాజత్‌’ అనే టైటిల్‌‌ని ఖరారు చేశారు.

ఈ సినిమా మార్చిలో చిత్రీకరణ ప్రారంభం కానుంది. కాగా నిర్మాతలు దీన్ని మార్కెట్ చేసుకోవడంలో మంచి తెలివితేటలే చూపించారు. ఇంగ్లీష్ తో పాటు సోనియా సొంత దేశమైన ఇటలీ ప్రజలకు నచ్చేలా ఇటాలియన్ లాంగ్వేజిలోనూ దీన్ని రూపొందిస్తున్నారు. ఇంకో విషయం ఏంటంటే సినిమా నిడివి గంట నుంచి గంట 20 నిమిషాల మధ్య ఉండేలా ప్లాన్ చేస్తున్నారట.

Like Us on Facebook : https://www.facebook.com/Tupakidotcom/