అందరికీ సాయం చేసే సోనూ సూద్ సాయం అడిగాడు

బాలీవుడ్ నటుడు సోనూ సూద్ పేరు ఇప్పుడు దేశమంతా పాపులర్. కరోనా లాక్ డౌన్ వేళ ఆయన చేసి సాయం అంతా ఇంతాకాదు. ఇప్పటికీ చేస్తూనే ఉన్నారు. వలస కార్మికులకు దేవుడయ్యాడు. కష్టకాలంలో ఉన్న వారికి ఆర్థికసాయాన్ని కొనసాగిస్తున్నాడు. ఇలా అందరికీ ఆర్థిక సాయం చేస్తున్న సోనూసూద్ ఆశ్చర్యకరంగా తనకు సాయం కావాలంటూ ట్విట్టర్ సాక్షిగా కోరడం అందరినీ ఆశ్చర్యానికి గురిచేసింది.

తాజాగా సోనూ సూద్ ట్వీట్ చేశారు. ‘మేము ప్రాణాపాయ స్థితిలో ఉన్న 4 నెలల అద్వేత్ ను కాపాడడానికి ప్రయత్నిస్తున్నాం. వెంటనే బి-నెగటివ్ బ్లడ్ కావాలి. దయచేసి ఆ గ్రూప్ వ్యక్తులు ఎవరైనా ముందుకు వచ్చి రక్తదానం చేయగలరు’ అని సోనూ సూద్ పిలుపునిచ్చాడు.

ఈ పిలుపునకు చాలా మంది స్పందించి ముందుకు రావడం విశేషం. సోనూ సూద్ ఇప్పటివరకు ఎవరిని సాయం అడగలేదని.. అలాంటి ఆయన అడిగితే చేయకుండా ఉంటామా అని బినెగెటివ్ గ్రూప్ వ్యక్తులు చాలా మంది రక్తదానం చేయడానికి ముందుకు రావడం విశేషం.