కలియుగ కర్ణుడు ..నేటితరం రియల్ హీరో సోనూసూద్ ఆస్తి ఎన్ని వందల కొట్లో చూడండి

సినిమాలో చేసేది విలన్‌ పాత్రలు...అయితేనేం బయట మాత్రం ఆయన ఓ రియల్‌ హీరో. కరోనా నేపథ్యంలో లాక్‌డౌన్‌ విధించినప్పుడు ఎక్కడివారు అక్కడే ఉండాల్సిన పరిస్థితి ఏర్పడింది. ఇళ్లు, డబ్బులు, తినడానికి తిండి అన్ని ఉన్నవారి పరిస్థితి ఆ టైంలో బాగానే ఉంది. కానీ పొట్టకూటి కోసం సొంత ఉరిని వదిలి ఎవరూ తెలియని చోటుకు వచ్చి బతికే వలస కూలీల పరిస్థితే అగమ్య గోచరంగా మారింది. ప్రభుత్వం అందించే సాయం అందకా, రైళ్లు,బస్సులు లేక సొంత గూటికి చేరలేక, ఉన్నచోట తినడానికి తిండి, ఉండటానికి నీడలేక వారు పడిన బాధలు వర్ణనాతీతం. అలాంటి సమయంలో వారిని ఆదుకోవడానికి ఆ విలన్‌ హీరోలా ముందుకు వచ్చాడు. మమల్ని ఎవరు ఆదుకుంటారా అని వలస కార్మికులందరూ ఎదురు చూస్తున్న క్రమంలో సోనూ సూద్ నేనున్నాను అంటూ వారిని సొంత గూటికి చేర్చాడు. వాళ్లందరిని బస్సులు, రైళ్లు ద్వారా అయినవారి చెంతకు చేర్చాడు. అప్పటి నుంచి నేటివరకు దేశంలో ఏ మూల నుండి ఎవరు ఏ సాయం అడిగిన అందిస్తూనే ఉన్నాడు. మొన్నటికి మొన్న ఆంధ్రప్రదేశ్‌లో ఇబ్బంది పడుతున్న ఒక రైతుకు ట్రాక్టర్‌ కొనిచ్చి తన మానవత్వాన్ని మరోమారు చాటుకున్నాడు.

ఆస్తి ఎంత ఉన్నా కూడా పెట్టే మ‌న‌స్త‌త్వం కొందరికి మాత్రమే ఉంటుంది. అలాంటి వారిలో బాలీవుడ్ న‌టుడు సోనూసూద్ ఒక‌రు. కోట్ల ఆస్తులు కూడ‌బెట్టుకున్న రాజ‌కీయ నాయ‌కులు, తార‌లు చేయ‌లేని ప‌నుల‌ని సోనూసూద్ చేస్తుంటే ఆయ‌న ఆస్తులు ఎంత ఉన్నాయ‌నే చ‌ర్చ ఇప్పుడు అంత‌టా హాట్ టాపిక్‌గా మారింది. రీసెంట్‌గా ఓ బాలీవుడ్ మీడియా సంస్థ సోనూ ఆస్తుల‌పై అధ్యయనం చేయగా.. అతడి మొత్తం ఆస్తుల విలువ 130 కోట్లు అని తేలింది. 20 ఏళ్లుగా ఇండస్ట్రీలో ఉన్న సోనూ సూద్ సినిమాల ద్వారానే ఆ డబ్బును సంపాదించినట్లు తెలుస్తోంది. ఇందులో ఆయ‌న ఇప్ప‌టి వ‌ర‌కు ప‌ది కోట్లు ఖ‌ర్చు చేశాడ‌ని అంటున్నారు. వేల కోట్ల ఆస్తులు కలిగిన స్టార్ హీరోలతో పోలిస్తే తనకున్న దాంట్లోనే సహాయం కోసం వెచ్చిస్తున్న సోనూ మంచి మనసును అందరూ ప్రశంసిస్తున్నారు. సినిమాల ద్వారా బాగానే సంపాదించిన సోనూ ముంబైలో పెద్ద ఇల్లు కొన్నాడు. హోటళ్లు తెరిచాడు. ఇటీవ‌ల త‌న హొట‌ల్‌ని వైద్యుల కోసం కేటాయించాడు కూడా. సేవ‌లోనే ఆనందం పొందుతున్న సోనూని ఎంత పొగిడిన త‌క్కువే అంటున్నారు. అందుకే చాలా మంది రీల్‌ హీరోలను కాదు రియల్‌ హీరోలను ఫాలో అవుదాం అంటూ సోనూ సూద్ ను ఫాలో అవుతున్నారు ప్రేక్షకులు.ఆయ‌న సాయం పొందిన వారు సోనూకి ఏమిచ్చి రుణం తీర్చుకోవాల‌ని చెబుతున్నారు.