3కోట్ల కారు పై క్లారిటీ ఇచ్చిన సోనూసూద్..!

సోషల్ మీడియా అందుబాటులోకి వచ్చినప్పటి నుండి ఎలాంటి రూమర్ అయినా ఇట్టే వైరల్ అయిపోతుంది. ఎందుకంటే జనాలు వారి పనులపై పెట్టే శ్రద్ధ కంటే అవతల వారిపై పెట్టే ఫోకస్ ఎక్కువగా.. అలాగే పర్ఫెక్ట్ గా ఉంటుంది. ఇప్పుడు ఉన్నటువంటి జీవనప్రయాణంలో మనిషి తన జీవితం కంటే పక్కవాళ్ళ లైఫ్ పై శ్రద్ధ పెడుతున్నాడు. ఎందుకంటే అవతల వారిపై టైం కేటాయించడంలో ఆనందం వెతుక్కుంటున్నాడు కాబట్టి. తాజాగా స్టార్ యాక్టర్.. రియల్ హీరో సోనూసూద్ 3కోట్లు విలువ చేసే కారు కొని తన పెద్దకొడుకు ఇషాంత్ కు బహుమతిగా ఇచ్చాడని పుకార్లు హల్చల్ చేసాయి.

అయితే ఆ పుకార్ల పై సోనూసూద్ త్వరగానే క్లారిటీ ఇచ్చేసాడు. ఇటీవలే 18లో అడుగుపెట్టిన ఇషాన్ కోసం సోనూసూద్ 3కోట్లు పెట్టి లగ్జరీ కారు కొనివ్వడం గురించి వార్తలు సోషల్ మీడియాలో రచ్చ చేసాయి. అయితే అవన్నీ ఫేక్ న్యూస్ అంటూ సోనూసూద్ ఖండించాడు. అలాగే అసలు మేటర్ ఏంటనేది క్లారిటీ ఇచ్చాడు. "ఆ పుకార్లలో ఎలాంటి నిజం లేదు. అలాగే నా కొడుకు కోసం నేను ఎలాంటి కారు కొనలేదు. ట్రయిల్ టెస్ట్ కోసం మేం కారును ఇంటికి తీసుకెళ్ళాం. అలాగే తెచ్చాక టెస్ట్ రన్ చేసాం. అంతే కానీ మేం కారు కొనలేదు" అంటూ క్లారిటీగా సోషల్ మీడియాలో చెప్పేసాడు.

ప్రస్తుతం ఈ వార్తపై ఇంకా చర్చలు జరుగుతూనే ఉన్నాయి. సోనూసూద్ ఇంకా మాట్లాడుతూ.. అయినా ఈ ఫాదర్స్ డే సందర్బంగా వార్తలు ఎలా జోరందుకున్నాయో తెలియట్లేదు. అయినా ఫాదర్స్ డే రోజున నేను నా కొడుకుకు ఎందుకు కారు బహుమతిగా ఇస్తాను..? నిజానికి నా కొడుకు నాకు గిఫ్ట్ ఇవ్వాలి కదా.. అన్నాడు. అలాగే నా కొడుకులు నాకు ప్రత్యేకంగా ఎలాంటి బహుమతి ఇచ్చే అవసరం లేదు. ఎందుకంటే ఈ బిజీ లైఫ్ లో నాతో వారు టైం స్పెండ్ చేయడమే నాకు పెద్ద బహుమతిగా భావిస్తున్నాను. అలాగే ప్రజల ప్రేమ అభిమానాలే నాకు పెద్ద బహుమానాలు. ఇంకేం అవసరం లేదంటూ చెప్పుకొచ్చాడు ఈ స్టార్ యాక్టర్. అలాగే ఇకపై నా సేవలు కూడా కంటిన్యూ చేస్తానని తెలిపాడు సోనూసూద్. ప్రస్తుతం ఈ వార్త నెట్టింట వైరల్ అవుతోంది.