సోనూసూద్ కొత్త‌ బిజినెస్ః కోడి గుడ్లు.. కోడి గుడ్లోయ్..

నిన్నా మొన్న‌టి వ‌ర‌కు సోనూ సూద్ ట్విట‌ర్ పేజీని ప‌రిశీలిస్తే.. క‌రోనా బాధితుల క‌న్నీటికి సాక్ష్యాలే క‌నిపించేవి. అభాగ్యుల కోసం సోనూ టీమ్‌ చేస్తున్న ప్ర‌య‌త్నాలు మాత్ర‌మే అగుపించేవి. అయితే.. జీవితంలో ఎప్పుడూ సీరియ‌స్ గానే కాదు.. ఫ‌న్నీగా కూడా ఉండాల‌ని ఈ మ‌ధ్య చాటి చెపుతున్నాడు.

ఆ మ‌ధ్య టైల‌ర్ గా క‌నిపించి సంద‌డి చేసిన సోనూ.. ఇప్పుడు సూప‌ర్ మార్కెట్‌ డెలివ‌రీ బాయ్ గా మారిపోయాడు. ఓ పాత సైకిల్ ఎక్క‌డి.. దానికి హ్యాండిల్‌ రెండు ప‌క్క‌లా రెండు సంచులు.. వెన‌కాల మ‌రో రెండు సంచులు.. క్యారియ‌ర్ పై ఎగ్ ట్రేల‌ను పెట్టుకొని వీధిలోకి బ‌య‌ల్దేరాడు!

అంతేకాదు.. తాను సూప‌ర్ మార్కెట్ తెరిచాన‌ని, గుడ్లు, బ్రెడ్, ఇత‌ర‌త్రా స‌రుకులు ఏమేం లభిస్తాయో లిస్ట్ మొత్తం చదివి వినిపించాడు. అంతేకాదు.. డోర్ డెలివ‌రీ స‌దుపాయం కూడా ఉంద‌ని చెప్పాడు సోనూ. అయితే.. డోర్ డెలివ‌రీకి ఎక్స్ట్రా ఛార్జ్ అవుతుంద‌ని తెలిపాడు. ఎవ‌రెవ‌రికి కావాలో వెంట‌నే ఆర్డ‌ర్ ఇవ్వాల‌ని చెప్పి,సైకిల్ వేసుకొని వెళ్లిపోయాడు.

ఈ వీడియో సోష‌ల్ మీడియాలో తెగ వైర‌ల్ అవుతోంది. అభిమానులు ఫ‌న్నీ కామెంట్స్ చేస్తున్నారు. అంతేకాదు.. ప‌లువురు ఆర్డ‌ర్లు కూడా ఇచ్చేస్తున్నారు.