కండల విలన్ కమింగ్ బ్యాక్

మంచి హైట్.. కండలు తిరిగిన బాడీ.. బిగ్ బీ అమితాబ్ ఫీచర్స్.. హ్యాండ్సమ్ పర్సనాలిటీ ఉంటే హీరోగా క్లిక్కవచ్చు. కానీ విలన్ గా బాగా హైలైట్ అయ్యాడు సోనూ సూద్. వదల బొమ్మాళీ అంటూ అరుంధతిలో విలన్ గా అతడి నటనకు బోలెండత గుర్తింపు వచ్చింది. ఆమధ్య తెలుగులో చాలా సినిమాల్లో విలన్ గా చేశాడు.

ఈమధ్య బాలీవుడ్ లో ఆఫర్లు బాగానే వస్తుండటంతో సోనూ సూద్ అక్కడ దృష్టిపెట్టాడు. చాలారోజుల తరవాత మళ్లీ తెలుగులో ఓ సినిమా చేయడానికి ఓకే చెప్పాడు. తేజ డైరెక్షన్ లో బెల్లంకొండ సాయి శ్రీనివాస్ - కాజల్ అగర్వాల్ జంటగా నటించే సినిమాలో సోనూ సూద్ విలన్ రోల్ చేస్తున్నాడు. ఈ రోల్ కోసం మాంచి కండలు తిరిగిన పర్సనాలిటీతో బాగా తెలిసిన నటుడు అయితే బాగుంటుందని దర్శకుడు తేజ ఫీలయ్యాడట. దానికి సోనూసూద్ సరిగ్గా సూటవుడతానే నమ్మకంతో ఈ రోల్ కు తీసుకున్నాడు.

ప్రభుదేవా - తమన్నా కలిసి నటించిన అభినేత్రి సినిమాలో చివరగా సోనూ సూద్ తెలుగు తెరపై కనిపించాడు. తనకు బ్రేక్ నిచ్చిన టాలీవుడ్ నుంచి చాలా రోజుల తరవాత ఓ మంచి ఆఫర్ రావడం.. తేజ చెప్పిన స్టోరీ ఇంప్రెసివ్ గా ఉండటంతో సోనూ సూద్ కూడా వెంటనే ఓకే చెప్పేశాడుట. బెల్లంకొండ సాయి శ్రీనివాస్ కు ఈసారి మూవీలో గట్టి విలన్ తగిలినట్టే.