నా వల్ల కరోనా సఫర్ అవుతోంది: స్టార్ యాక్టర్ వైరల్ ట్వీట్

దేశంలో కరోనా వ్యాప్తి ఎంత వేగంగా స్ప్రెడ్ అవుతుందో అదే రేంజిలో జనాలు కరోనా బారినపడుతున్నారు. ఇప్పటికే లక్షల్లో సామాన్యులు కరోనాతో చికిత్స పొందుతుండగా.. పదుల సంఖ్యలో సినిమా ఇండస్ట్రీకి చెందిన సెలబ్రిటీలు కరోనా బారినపడుతున్నారు. అయితే ఈ కరోనా సెకండ్ వేవ్ లో ఇప్పటికే టాలీవుడ్ స్టార్స్ చాలామంది క్వారంటైన్ లో ఉండగా.. ఇటీవలే స్టార్ యాక్టర్ సోనూసూద్ కూడా కోవిడ్ పాజిటివ్ రావడంతో దేశవ్యాప్తంగా అభిమానులు కంగారు పడ్డారు. ఎందుకంటే సోను ఇప్పుడు సినిమావాడు కాదు అందరివాడు అనిపించుకుంటున్నాడు. గతేడాది లాక్డౌన్ సమయంలో ఎన్నో వేలమందికి ఆర్థికసాయంతో పాటు లక్షలమందికి ఆహారం అందించాడు.

సొంత డబ్బులతో నిరుపేదలకు సహాయం చేస్తూ ఎన్నో లక్షల కుటుంబాలకు ఇంటివాడు అయిపోయాడు. ఇదిలా ఉండగా.. సోనుకు కరోనా పాజిటివ్ అని తెలియగానే దేశవ్యాప్తంగా ఉన్నటువంటి అభిమానులు సోషల్ మీడియాలో ఆయనకు మెసేజ్ చేస్తూ అడుగుతున్నారట. కొన్ని రోజులపాటు సందేశాలకు రిప్లై ఇచ్చిన సోను.. ఒక్కసారిగా ఒకే ట్వీట్ తో అందరికి సమాధానం చెప్పేసాడు. 'ఎవరు నా ఆరోగ్యం విషయంలో కంగారు పడకండి. నేను బాగానే ఉన్నాను. నా వలన కరోనా సఫర్ అవుతోంది' అని తెలివిగా అందరికి బదులిచ్చాడు. ఖచ్చితమైన సందర్బంలో అలాంటి రిప్లై ఇవ్వాల్సి వచ్చిందని సోను ఫాలోయింగ్ చూస్తేనే అర్ధమవుతుంది. ఈ ఏడాది అల్లుడు అదుర్స్ సినిమాలో నటించిన సోను.. ప్రస్తుతం ఆచార్య సినిమాలో నటిస్తున్నాడు.