సోనూ సుద్ ఫోన్లో షాకింగ్ వీడియో

అరుంధతిలో బొమ్మాళి అంటూ భీకర విలన్ పాత్ర పోషించిన నటుడు సోనూ సుద్ బయట మాత్రం ఎంతో గొప్ప పనులు చేస్తూ అందరిచేత ప్రశంసలు అందుకుంటున్నారు. ఈ లాక్డౌన్ సమయంలో వలస కార్మికులను ఇంటికి పంపిస్తూ వారికి భోజన ఇతర సదుపాయాలు, ఖర్చులు రోజూ భరిస్తూ దేశవ్యాప్తంగా అందరి ప్రశంసలు అందుకుంటున్నారు. వారిని సొంత రాష్ట్రాలకు పంపించేందుకు ప్రత్యేక బస్సులు, రైళ్లు, విమానాలను కూడా ఏర్పాటు చేస్తూ అవిశ్రాంతంగా పనిచేస్తున్నాడు.

సోనూ సుద్ ద్వారా ఇంటికి వెళ్లిన వలస కార్మికులంతా అతడిని దేవుడిలా కొలుస్తూ సోషల్ మీడియాలో ఆరాధిస్తున్నారు. ఇంత మంది వలస కార్మికులను గమ్యస్థానానికి చేర్చడంలో ఇప్పటికీ సోనూ సుద్ అలుపెరగకుండా పనిచేస్తున్నారు.

తాజాగా ఈ బాలీవుడ్ విలన్ సోనూసుద్ వలస కార్మికుల కోసం ఒక హెల్ప్ లైన్ టోల్ ఫ్రీ నంబర్ ను ఏర్పాటు చేశాడు. వారు ఎక్కడికి ప్రయాణించాలనుకుంటున్నారనే దానిపై సమాచారాన్ని మెసేజ్ లు చేయాలని కోరాడు.

దీంతో సోన్ సూద్ ఫోన్ కు భారీ సంఖ్యలో వందల్లో మెసేజ్ లు వస్తున్నాయి. ఫోన్లు ఆన్ చేస్తే చాలు కుప్పలుగా వచ్చిపడుతున్న వలస కార్మికుల మెసేజ్ లను తాజాగా వారి టీం వీడియో తీసి సోషల్ మీడియాలో షేర్ చేసింది. అదిప్పుడు వైరల్ గా మారింది.

ఇంత మంది వలస కార్మికులు ఇంకా ఆకలిదప్పులతో ఉన్నారని.. వారిని ఇళ్లకు చేరుస్తామని సోనూ సుద్ చెప్పుకొచ్చాడు. తనకేం అక్కర్లేదని.. వారి ఆశీర్వాదం మాత్రమే చాలంటున్న సోనూ సుద్ మాటలపై ప్రశంసలు కురుస్తున్నాయి.