వీడియో ఆల్బ‌మ్‌: సోనూసూద్ లో రొమాంటిక్ యాంగిల్ ఆ రేంజులో

క‌రోనా మ‌హ‌మ్మారీ నేప‌థ్యంలో ఆప‌త్కాల బాంధ‌వుడిగా ప్ర‌జ‌ల్లో ఓ వెలుగు వెలిగిన సోనూసూద్ మ‌రోవైపు షూటింగ్ షెడ్యూళ్లు ఏమాత్రం విడిచిపెట్ట‌డం లేదు. ఇటీవ‌ల ఆచార్య చిత్రీక‌ర‌ణ‌లో పాల్గొనేందుకు హైద‌రాబాద్ విచ్చేశాడు. ఇంత‌లోనే త‌న సింగిల్ మ్యూజిక్ ఆల్బ‌మ్ ని కూడా పూర్తి చేసి దిల్ ఖుష్ అనిపించేస్తున్నాడు.

సోనూ సూద్ - నిధి అగర్వాల్ నటించిన కొత్త హిందీ మ్యూజిక్ వీడియో `సాథ్ క్యా నిభావోగే` నేడు విడుదలైంది. దీనికి ఫరా ఖాన్ కొరియోగ్ర‌ఫీ కం డైరెక్ష‌న్ చేయ‌డం ఆస‌క్తిక‌రం. ఈ పాటను పంజాబ్ ప‌రిస‌రాల్లో చిత్రీకరించారు. ఇటీవ‌ల ఫస్ట్ లుక్ టీజర్ విడుదలైనప్పటి నుండి సోను సూద్ అభిమానులు ఫుల్ ఛీర్స్ మోడ్ లోకి వెళ్లిపోయారు. ఇక ఈ పాట‌లో నిధితో రొమాన్స్ ని ఓ రేంజులోనే పండించాడు సోనూ.

సాథ్ క్యా నిభావోగే అనేది అల్తాఫ్ రాజా తొంబైల నాటి పాట‌.. `టమ్ టు థెహ్రే పరదేశి`కి రీమిక్స్ వెర్షన్. విడిపోయిన ప్రేమికుల విర‌హ‌గీతం ఇద‌ని చెప్పొచ్చు. బార్ డ్యాన్సర్ నిధిని కాపాడటానికి సోను ఆరంగేట్రం చేసే తీరును తెర‌పై ఆవిష్క‌రించారు. థీమ్ ఆద్యంతం ఆస‌క్తిక‌రం. అల్తాఫ్ రాజా - టోనీ కక్కర్ ఈ పాటకు గాత్రం అందించారు. సోనూ సూద్ కి ఇది బిగ్ బ్రేకింగ్ సింగిల్ అని చెప్పాలి. ఈ పాట‌కు అభిమానుల నుంచి అద్భుత స్పంద‌న ద‌క్కుతోంది. సోనూ సూద్ త‌దుప‌రి టాలీవుడ్ షెడ్యూళ్ల‌లో ఎంట‌ర్ అవ్వాల్సి ఉంటుంది. అలాగే బాలీవుడ్ లో త‌న ఇత‌ర క‌మిట్ మెంట్ల‌ను పూర్తి చేయ‌నున్నాడ‌ని స‌మాచారం.