ఈసారి మ‌హేష్ పాన్ ఇండియా ప్లాన్?

టాలీవుడ్ లో పాన్ ఇండియా ప్ర‌య‌త్నాలు అంత‌కంత‌కు వేడెక్కిస్తున్నాయి. డార్లింగ్ ప్ర‌భాస్ బాహుబ‌లి ఫ్రాంఛైజీ త‌ర్వాత సాహో లాంటి భారీ పాన్ ఇండియా చిత్రంలో న‌టించ‌డం అస‌లు సిస‌లు మేలిమ‌లుపు. ప్ర‌స్తుతం జ‌క్క‌న్న ఆర్.ఆర్.ఆర్ మ‌రింత హీట్ పెంచుతోంది. ఆ త‌ర్వాతా ఇత‌ర స్టార్ హీరోలంతా పాన్ ఇండియా కేట‌గిరీలో సినిమాలు చేయాల‌ని ఉవ్విళ్లూరుతున్నారు. తెలుగు మార్కెట్ తో పాటు హిందీ మార్కెట్ .. సౌత్ లో ఇరుగు పొరుగు మార్కెట్ల‌పైనా దృష్టి సారిస్తున్నాశారు. ఆ క్ర‌మంలోనే ఇత‌ర హీరోలు పాన్ ఇండియా వైపు మొగ్గు చూపుతున్నారు. ప్ర‌పంచీక‌ర‌ణ ప్ర‌తిఫ‌లాన్ని వినోదానికి ఆపాదించే ప్ర‌య‌త్న‌మే ఇది.

ఇప్ప‌టికే టాలీవుడ్ యంగ్ హీరో విజ‌య్ దేవ‌ర‌కొండ తెలివైన ప్ర‌ణాళిక‌ల‌తో దూసుకెళుతున్నాడు. బాలీవుడ్ ద‌ర్శ‌క‌నిర్మాత క‌ర‌ణ్ జోహార్ సాయంతో ఫైట‌ర్ చిత్రాన్ని పాన్ ఇండియా కేట‌గిరీలో ప్లాన్ చేస్తున్నాడు. ఇక ఇప్పుడు సూప‌ర్ స్టార్ మ‌హేష్ సైతం పాన్ ఇండియా ప్ర‌య‌త్నాలు చేస్తున్నార‌ని క్లూ అందుతోంది. తాజా స‌మాచారం ప్రకారం.. ప్ర‌ముఖ‌ హాలీవుడ్ ప్రొడ‌క్ష‌న్ కంపెనీ.. వ‌ర‌ల్డ్ ఫేమ‌స్ పంపిణీ దిగ్గ‌జం సోనీ పిక్చ‌ర్స్ తో మహేష్ బృందం పాన్ ఇండియా ఒప్పందం కుదుర్చుకునే ప్ర‌య‌త్నాల్లో ఉన్నార‌ని తెలుస్తోంది.

మ‌హేష్‌-న‌మ్ర‌త బృందం సోనిప‌క్చ‌ర్స్ తో ఇప్ప‌టికే ట‌చ్ లో ఉన్నారు. మ‌హేష్ న‌టించే 27వ సినిమాకి క‌థ ఎంపిక నుంచి ప్ర‌తి విష‌యంలో ఎంతో ప‌క‌డ్భందీగా ప్లాన్ చేస్తున్నారు. తెలుగు మార్కెట్ తో పాటు.. హిందీ మార్కెట్ ని టార్గెట్ చేస్తూ సినిమా చేయాల‌న్న‌ది ప్లాన్. అందుకు త‌గ్గ‌ట్టే యూనివ‌ర్శ‌ల్ అప్పీల్ ఉన్న క‌థాంశాన్ని వంశీ పైడిప‌ల్లి రెడీ చేశార‌న్న లీకులు ఇటీవ‌ల వేడెక్కించాయి. ఈసారి మ‌హేష్ ని గ్యాంగ్ స్ట‌ర్ గా చూపించాల‌న్న ఆలోచ‌న వెన‌క‌ పైడిప‌ల్లి మైండ్ గేమ్ స్ట్రాంగ్ గా ప‌ని చేస్తోంద‌ని తెలుస్తోంది. మాఫియా నేప‌థ్యం.. ప‌వ‌ర్ ప్యాక్డ్ యాక్ష‌న్.. అంత‌కుమించిన మైండ్ గేమ్ నేప‌థ్యంలో ఇంట్రెస్టింగ్ థ్రిల్ల‌ర్ క‌థాంశాన్ని రెడీ చేశార‌న్న ముచ్చ‌టా వేడెక్కిస్తోంది. ప్ర‌స్తుతం మ‌హేష్ త‌న కెరీర్ 26వ చిత్రంలో న‌టిస్తున్నారు. సంక్రాంతి కానుక‌గా జ‌న‌వ‌రి 11న ఈ చిత్రం రిలీజ‌వుతోంది. త‌దుప‌రి పైడిప‌ల్లితో భారీ చిత్రానికి స‌న్నాహాలు చేస్తున్నారు. బ‌హుశా మ‌హేష్ న‌టించే మొద‌టి బాలీవుడ్ చిత్రం ఇదే అవుతుందా? అన్న‌ది చూడాలి.