వీడియో : బాలీవుడ్ హాటీ అల వైకుంఠపురంలో టు ఇయర్స్ స్పెషల్

అల్లు అర్జున్ హీరోగా పూజా హెగ్డే హీరోయిన్ గా త్రివిక్రమ్ దర్శకత్వంలో తెరకెక్కి ప్రేక్షకుల ముందుకు వచ్చిన అల వైకుంఠపురంలో సినిమాకు రెండు సంవత్సరాలు పూర్తి అయ్యాయి. 2020 సంవత్సరం సంక్రాంతి సందర్భంగా ప్రేక్షకుల ముందుకు వచ్చిన అల వైకుంఠపురంలో సినిమా బ్లాక్బస్టర్ సక్సెస్ను దక్కించుకొని ఇండస్ట్రీ హిట్ ను సొంతం చేసుకుంది.ఆ సంవత్సరంలో ఇండియన్ సిల్వర్ స్క్రీన్ పై వచ్చిన సినిమాల జాబితాలో టాప్ ప్లేస్ లో నిలిచింది. అల వైకుంఠపురంలో సినిమా పాటల గురించి ఎంత చెప్పుకున్నా తక్కువే. మ్యూజిక్ సంచలనం తమన్ సంగీత సారధ్యంలో వచ్చిన అల వైకుంఠపురంలో మ్యూజిక్ ఆల్బమ్ ఎంతటి విజయాన్ని సొంతం చేసుకుందో యూట్యూబ్ లో ఆ పాటలకు ఉన్న న్యూస్ ని చూస్తే అర్థమవుతుంది.

రెండు సంవత్సరాల తర్వాత అల వైకుంఠపురంలో సినిమా గురించి మాట్లాడుకుంటున్నారు అంటే కచ్చితంగా సినిమాలోని పాటలు ఒక కారణం అనడంలో ఎలాంటి సందేహం లేదు. ఇప్పటికి కూడా బుట్ట బొమ్మ బుట్ట బొమ్మ.... సామజవరగమన.... పాటలు ప్రేక్షకులను కట్టిపడేస్తు ఉన్నాయి. తాజాగా బాలీవుడ్ హాట్ బ్యూటీ సోఫీ చౌదరి ఈ సినిమాలోని బుట్ట బొమ్మ పాటలు ఆలపించి సోషల్ మీడియా ద్వారా ప్రేక్షకుల ముందుకు తీసుకు వచ్చింది. అల వైకుంఠపురంలో సినిమా విడుదల అయి రెండు సంవత్సరాలు అయిన సందర్భంగా సోఫీ చౌదరి ఈ పాటను ప్రేక్షకుల ముందుకు తీసుకు వచ్చినట్లుగా చెప్పుకొచ్చింది.

చాలా రోజులుగా తనను ప్రేక్షకులు పాట పాడాలని అడుగుతున్న కారణంగా ఈ పాటను పాడినట్లు ఆమె పేర్కొంది. సినిమాకు రెండు సంవత్సరాలు పూర్తి అయినా ఈ సందర్భం లో ఈ పాట పాడడం కరెక్ట్ అనిపించి పాడినట్లుగా ఆమె చెప్పుకొచ్చింది. తప్పులు ఏమైనా ఉంటే క్షమించండి అంటూ ఆమె తన ట్విట్టర్లో పేర్కొంది సోఫీ చౌదరి. అల్లు అర్జున్ అభిమానులు మాత్రమే కాకుండా తెలుగు ప్రేక్షకులు అంతా కూడా ఆమె పాటకి ఫిదా అవుతున్నారు. లిరిక్స్ గురించి పెద్దగా పట్టించుకోకుండా ప్రశంసలు కురిపిస్తున్నారు. ఆమె ప్రయత్నం ను ఈ సందర్భంగా అభినందించకుండా ఉండలేం అంటూ నెటిజెన్స్ కామెంట్ చేస్తున్నారు. అలవైకుంఠపురంలో చిత్ర యూనిట్ సభ్యులు కూడా ఆమె బుట్ట బొమ్మ బుట్ట బొమ్మ సాంగ్ ని షేర్ చేస్తూ కృతజ్ఞతలు తెలియజేస్తున్నారు.