ఒక కోయిల ముందే కూస్తోంది

ఏ కాంపిటీష‌న్ లేకుండా వ‌రుణ్‌ తేజ్ లోఫ‌ర్ రిలీజైపోతోంది. కానీ వ‌చ్చే వారం అస‌లు పండుగ‌. ఒకేరోజు ఐదారు సినిమాలు రిలీజ‌వుతున్నాయ్. గోపిచంద్ -సౌఖ్యం - సుధీర్ బాబు -భ‌లే మంచి రోజు - వారాహి - జ‌త‌క‌లిసే - మంచు మోహ‌న్‌ బాబు- అల్ల‌రి న‌రేష్ న‌టించిన మామ మంచు-అల్లుడు కంచు - అబ్బాయితో అమ్మాయి.. ఇవేగాక మ‌రో రెండు సినిమాలున్నాయ్‌. క్రిస్మ‌స్ కానుక‌గా డిసెంబ‌ర్ 25న ఈ సినిమాల‌న్నీ రిలీజ్‌ ల‌కు వ‌స్తున్నాయి.

అయితే ఇన్ని సినిమాలు ఇలా ఒక‌దానితో ఒక‌టి పోటీకి దిగ‌డం నిర్మాత‌ల్ని కాస్త కంగారు పెడుతోంది. అందుకే కొంద‌రు అటూ ఇటూగా స‌ర్ధుబాటు చేసుకుంటున్నారు. ముందుగా గోపిచంద్ త‌న దారి తాను చూసుకున్నాడు. ఒక‌రోజు ముందుకు త‌న రిలీజ్ తేదీని జ‌రుపుకున్నాడు. ఏ.ఎస్‌.ర‌వికుమార్ చౌద‌రి ద‌ర్శ‌క‌త్వంలో తెర‌కెక్కిన సౌఖ్యం డిసెంబ‌ర్ 24న రిలీజ్ చేస్తున్నారు. ఇక మిగ‌తా సినిమాల‌న్నీ 25న రిలీజ్‌ కి వ‌స్తున్నాయి. గోపిచంద్ ఈసారి కూడా మునుప‌టిలానే యాక్ష‌న్ జోన‌ర్‌ నే న‌మ్ముకుని వ‌స్తున్నాడు. యాక్ష‌న్‌ - కామెడీ - సెంటిమెంటు రంగ‌రించి సౌఖ్యం తెర‌కెక్కించారు. ఇది కూడా లౌక్యం లానే సౌండింగ్ బావుంది కాబ‌ట్టి అంత పెద్ద హిట్ట‌వుతుందేమో చూడాలి. ఒక్క‌రోజు ముందుకు జ‌రిపినందుకు ఆ రోజు ఓపెనింగు అదురుతుంద‌నే ఆశిద్దాం.