Varasudu: టచ్ చేసిన విజయ్ అమ్మ పాట!

కోలీవుడ్ స్టార్ హీరో విజయ్ నటిస్తున్న వారసుడు సినిమాపై అంచనాలు మామూలుగా లేవు. తమిళంలో నే కాకుండా ఈ సినిమాను దిల్ రాజు తెలుగులో కూడా భారీ స్థాయిలోనే విడుదల చేయబోతున్నాడు. ఈ సినిమాతో విజయ్ అయితే తెలుగులో కూడా కొంత మార్కెట్ పెంచుకోవాలని చూస్తున్నాడు. అసలే 100 కోట్ల పారితోషికం తీసుకున్నాడు కాబట్టి అతని రేంజ్ కు తగ్గట్టుగా ఈ సినిమా సక్సెస్ కావాల్సిందే.

ఇక సంక్రాంతి బరిలో నిలువబోతున్న ఈ సినిమాకు సంబంధించిన సాంగ్స్ కూడా ఒక్కొక్కటిగా విడుదల చేస్తున్నారు. తమన్ ఈ సినిమాకు సంగీతం అందించాడు ఇక ఇప్పటికే రంజితమే అనే పాట ఇంటర్నెట్ ప్రపంచంలో ఒక సెన్సేషన్ క్రియేట్ చేసింది. 100 మిలియన్ల వ్యూవ్స్ కూడా సొంతం చేసుకుంది. అయితే ఇప్పుడు సినిమాలోని ఒక ఎమోషనల్ అమ్మ పాటను విడుదల చేశారు. ది సోల్ ఆఫ్ వారసుడు అంటూ.. ఇట్స్ ఫర్ యు అమ్మ అనే ట్యాగ్ తో చక్కని పాటను విడుదల చేశారు.

విజయ్ ఒక చేతిలో బ్యాక్‌ప్యాక్ సన్ గ్లాసెస్‌తో సూపర్ హ్యాండ్‌సమ్‌గా కనిపిస్తున్నాడు. ఇక రామ జోగయ్య శాస్త్రి రాసిన ఈ పాట వారసుడు కథలోని సారాంశాన్ని వివరిస్తుంది. చాలా కాలం తర్వాత అమ్మపై ఓ ఎమోషనల్ సాంగ్ ను ప్రజెంట్ చేశారు. ఇక సింగర్ చిత్ర ఈ పాటను తన గాత్రంతో హృదయాలను తాకేలా పాడారు. థమన్ తన మార్క్ కు తగ్గట్టుగా ట్యూన్ అయితే సెట్ చేశాడు.

గత చిత్రాల మాదిరిగానే ఇది కూడా పెద్ద విజయం సాధిస్తుందని నిర్మాతలు నమ్మకంగా ఉన్నారు. మొదటి సాంగ్ ‘రామజితమే’ ఇప్పటికే 100 మిలియన్ వ్యూవ్స్ దాటగా, రెండో సింగిల్ ‘తీ తలపతి’ కూడా మ్యూజిక్ చార్ట్‌ లలో అగ్రస్థానంలో నిలిచింది.

మహర్షి దర్శకుడు వంశీ పైడిపల్లి దర్శకత్వం వహిస్తున్న ఈ సినిమాలో రష్మిక మందన్న హీరోయిన్ గా నటించగా ప్రకాష్ రాజ్, జయసుధ కీలక పాత్రల్లో కనిపించబోతున్నారు. మరి 2023 సంక్రాంతికి రానున్న ఈ సినిమా బాక్సాఫీస్ వద్ద ఎలాంటి నెంబర్స్ క్రియేట్ చేస్తుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.