ఇండియన్ సూపర్ మ్యాన్ సినిమాలో విలన్ గా సౌత్ హీరో..

హాలీవుడ్‌ లో సూపర్‌ హీరోల కథలకు మంచి ఆధరణ ఉందనే విషయం తెలిసిందే. సూపర్‌ మేన్‌, స్పైడర్‌ మేన్‌, బ్యాట్‌ మేన్‌, అవెంజర్స్‌ లాంటి సూపర్‌ హీరోల చిత్రాలు అక్కడ చాలానే వచ్చాయి. ఒకే పాత్రకు కొనసాగింపుగా వరుసగా సినిమాలు చేయటం హాలీవుడ్‌ లో తరచూ చూస్తుంటాం. కానీ ఇండియన్ స్క్రీన్ మీద అలాంటి చిత్రాలు చాలా అరుదు. అలాంటి అరుదైన రికార్డ్‌ ను సొంతం చేసుకున్న సిరీసే క్రిష్. ఇప్పటి వరకు వచ్చిన మూడు సినిమాలు సూపర్ హిట్ టాక్ తెచ్చుకొని ప్రేక్షకులని అలరించాయి. ఇక ఈ సూపర్ హీరో సినిమా చిన్నారులని కూడా ఆకట్టుకుంది. అలాగే పాన్ ఇండియా రేంజ్ లో అన్ని భాషలలో క్రిష్ సిరీస్ సూపర్ హిట్ టాక్ తెచ్చుకుంది. ఈ నేపధ్యంలో చాలా కాలంగా ప్రేక్షకులు క్రిష్ 4 కోసం చాలా కాలం నుంచి ఆసక్తిగా ఎదురుచూస్తున్నారు.

ఈ నేపధ్యంలో తాజాగా హృతిక్ రోషన్ తండ్రి క్రిష్ సిరీస్ దర్శకుడు రాకేశ్ రోషన్ ఈ సీక్వెల్ పై క్లారిటీ ఇచ్చాడు.క్రిష్ 4 త్వరలో పట్టాలు ఎక్కుతుంది అని తెలియజేశాడు. దీనికి సంబంధించి స్క్రిప్ట్ వర్క్ ప్రస్తుతం జరుగుతుందని, మొదటి మూడు సినిమాల కంటే మరింత అడ్వాన్స్ గా ఈ సినిమా విజువల్ వండర్ గా తీర్చిదిద్దే పనిలో ఉన్నామని, దానికి తగ్గట్లే కథ కూడా సిద్ధం చేస్తున్నామని తెలిపారు. అయితే ఈ సినిమా గురించి మరో వార్త సంచలనం అయింది. ఈ సినిమాలో విలన్ గా ఒక టాప్ సౌత్ ఇండియన్ స్టార్ హీరోని తీసుకునే ఆలోచనలో ఉన్నట్లు సమాచారం. చూడాలి మరి ఆ లక్కీ సౌత్ స్టార్ ఎవరో.. ఇక ఈ సినిమాకి సంబందించిన ప్రీ ప్రొడక్షన్ వర్క్ లాక్ డౌన్ తర్వాత మొదలవుతుందని, అఫీషియల్ గా ఎనౌన్స్మేంట్ కూడా అప్పుడే ఉంటుంది అని తెలియజేశారు.