ముంబైలో నైట్ పార్టీల‌ను విడిచిపెట్ట‌ని సౌత్ స్టార్ హీరో

సౌత్ స్టార్ హీరో .. చాక్లెట్ బోయ్ సిద్ధార్థ్ కి బాలీవుడ్ క‌నెక్ష‌న్ పెద్ద‌దే. అక్క‌డ ప‌లు బ్లాక్ బ‌స్ట‌ర్ హిట్స్ లో న‌టించాడు. ఆ క్ర‌మంలోనే సైఫ్ అలీఖాన్ సోద‌రి సోహా అలీఖాన్ తో ఘాటైన ప్రేమాయ‌ణం సాగించాడ‌ని క‌థ‌నాలొచ్చాయి. ఆ త‌ర్వాత సోహాతో బ్రేకప్ అయ్యాక తిరిగి సౌత్ లోనే బిజీ అయిపోయాడు.

హిందీలో సిద్ధూ ఎక్కువ సినిమాలు చేయనప్పటికీ అక్కడ కూడా అత‌డికి మంచి ఫాలోయింగ్ ఉంది. ఇక సిద్ధార్థ్ తరచుగా ముంబైని సందర్శిస్తూ ఉంటాడు. స్నేహితుల‌తో క‌లిసి పార్టీల‌కు అటెండ‌వుతుంటాడు. ముఖ్యంగా నైట్ పార్టీల‌ను మిస్ కాడు. తాజాగా సిద్ధార్థ్ త‌న పాత స్నేహితులు ప్రీతి జింటా- రాజ్ కుమార్ రావు- అదితి రావు హైద‌రీ- దర్శకులు రోహిణి అయ్యర్ త‌దిత‌రుల‌తో క‌లిసి పార్టీ మూడ్ లో ఉన్న ఓ ఫోటో అంత‌ర్జాలంలో వైర‌ల్ గా మారింది. వీరంతా క‌లుసుకుని చాలా కాల‌మైందేమో.. ఎంతో ఎగ్జ‌యిటింగ్ గా పార్టీని సెల‌బ్రేట్ చేశార‌ని అర్థ‌మ‌వుతోంది. ఇక ఈ గ్యాంగ్ ర‌చ్చ మామూలుగా లేద‌ని అభిమానులు ఊహిస్తున్నారు.

ఇక సిద్ధూ కెరీర్ మ్యాట‌ర్ కి వ‌స్తే... చాలా కాలానికి తెలుగులో ఓ సినిమాతో రీఎంట్రీ ఇస్తున్నాడు. అజ‌య్ భూప‌తి ద‌ర్శ‌క‌త్వంలో తెర‌కెక్కుతున్న మ‌ల్టీస్టార‌ర్ మ‌హా స‌ముద్రంలో అత‌డు ఒక భాగం. శ‌ర్వానంద్ ఇందులో క‌థానాయ‌కుడిగా న‌టిస్తున్నాడు. త‌దుప‌రి దిల్ రాజు బ్యాన‌ర్ లో న‌టించే అవ‌కాశం ఉంద‌ని తెలుస్తోంది. సిద్ధార్థ్ ఓ పెద్ద OTT షో కూడా చేస్తున్నాడు. దీనికి సంబంధించిన వివ‌రాలు వెల్ల‌డి కావాల్సి ఉంది. ప్ర‌స్తుత పార్టీలో స్నేహితులంతా క‌నిపిస్తున్నా సిద్ధార్థ్ మాజీ గాళ్ ఫ్రెండ్ మిస్సింగ్ అంటూ అభిమానులు వ్యాఖ్యానిస్తున్నారు.