టాలీవుడ్ ట్విట్టర్ బాబులు వీరే

ప్రస్తుతం సోషల్ మీడియా హవా ఏ స్థాయిలో ఉందొ అందరికి తెలిసిన విషయమే. ప్రస్తుతం అందరి దగ్గర స్మార్ట్ ఫోన్స్ ఉండడంతో సోషల్ మీడియాలో ప్రతి విషయాన్ని గురించి నిమిషంలో తెలుసుకుంటున్నారు. తెలియజేస్తున్నారు. కొన్ని విషయాలపైన దీని ప్రభావం బాగానే ఉందని చెప్పాలి. ముఖ్యంగా సినీ ఫీల్డ్ వారికి అన్ని విధాలుగా సోషల్ మీడియా స్పెషల్ వేదిక అవుతోంది. ముఖ్యంగా తారలు కూడా సోషల్ మీడియాని బాగా యుస్ చేస్తున్నారని చెప్పాలి.

ఇకపోతే ట్విట్టర్ ఖాతాలు దాదాపు దేశంలో ఉన్న ప్రముఖులందరికి ఉన్నాయి. అందులో మన స్టార్ హీరోస్ కూడా ఉన్నారు. ఈ మధ్య కాలంలో మన టాలీవుడ్ హీరోలు ట్విట్టర్ లో చాలా విషయాలని అభిమానుతో పంచుకున్నారని చెప్పాలి. దీంతో కొందరి ఫాలోవర్ల సంఖ్య రీసెంట్ గా నాలుగు మిలియన్లు దాటింది. ముఖ్యంగా టాలీవుడ్ సూపర్ స్టార్ మహేష్ బాబు స్పైడర్ సినిమా ప్రభావంతో 4.61మిలీయన్ల ఫాలోవర్స్ ని అందుకున్నాడు. కానీ మహేష్ మాత్రం ట్వీట్స్ చేసింది చాలా తక్కువని చెప్పాలి.

ఇక ఆ తర్వాత స్థానంలో ఎప్పటికప్పుడు ట్విట్టర్ లో అలర్ట్ గా ఉండే వారిలో నాగార్జున ఒకరు. నాగ్ తన సినిమా ప్రమోషన్స్ ని ఎక్కువగా సోషల్ మీడియా ద్వారానే చేస్తాడు. నాగ్ రీసెంట్ గానే 4 మిలియన్స్ ఫాలోవర్స్ ని అందుకున్నాడు. అదే తరహాలో దగ్గుబాటి హీరో రానా కూడా 4M మార్క్ ని దాటాడు.

సౌత్ లో టాప్ ఫాలోవర్స్ ని అందుకున్న హీరోల్లో ధనుష్ 6M మార్క్ తో ఉన్నాడు ఇక సూపర్ స్టార్ రజనీకాంత్ 4.31M - రాజమౌళి 3.68M పవన్ కళ్యాణ్ 2.1M అల్లు అర్జున్ 1.7M ఫాలోవర్స్ ని కలిగి ఉన్నారు.