బాలూ గారి పేరుతో ఇదేం గోల!!

నిన్న లెజండరీ సింగర్‌ ఎస్.పి.బాలసుబ్రమణ్యం 70వ పుట్టినరోజు. ఈ సందర్భంగా చాలామంది ఏవేవో ప్రత్యేక కార్యక్రమాలు నిర్వహించారు. అసలు బాలు లేకపోయినా రాకపోయినా కూడా.. వీరు మాత్రం తమ కార్యక్రమాలతో తాము దుమ్మలేపేశారంతే. అలా ఏర్పాటు చేసిన ఒక ప్రత్యేక సంగీత విభావరి ఇప్పుడు చర్చల్లో నిలిచింది. ఎందుకంటే అక్కడ జరిగిన అతి అంతా ఇంతా కాదు.

సదరు ఆర్గనైజర్లు.. కేవలం ఎంటర్టయిన్మంట్ పేరుతో ఒక సంగీత విభావరి ఏర్పాటు చేశారు. వీరిచ్చిన కలరింగ్‌ ఏ రేంజులో ఉందంటే.. అక్కడికి అందరూ తెల్లటి బట్టలే వేసుకురావాలి.. మీడియా ఉండదు.. ఫోటోలు తీయరు.. డిస్కషన్లను ఫెలిసిటేషన్లు ఉండవు.. బొకేలు.. పూల జల్లులూ లేవు.. కేవలం టాప్‌ సింగర్లు వచ్చి పాటలు పాడేసి వెళిపోతారంతే.. అంటూ చాలామందికి మనోళ్ళు మెసేజ్ లు పంపారు. ఇంతకీ ప్రోగ్రామ్‌ జరిగేది ఒక చిన్న ఆడిటోరియమ్ లో. కాని మెసేజ్ మాత్రం 50 వేల మందికి వెళ్లిందట. పైగా ఆ మెసేజ్ లో నెంబర్ కు మిస్సడ్ కాల్ ఇచ్చాక.. మీకు పాస్‌ లేదు సారీ చెప్పినా.. చాలామంది సదరు వెన్యూ దగ్గరకు వచ్చేశారు. దానితో అక్కడ రచ్చ రచ్చ అయిపోయింది. చివరకు పోలీసులు ఎంటరై పరిస్థితిని చక్కదిద్దాల్సి వచ్చింది.

బాలు గారి పేరు చెప్పి.. ఇదేం రచ్చో అసలు ఎవ్వరికీ అర్ధంకాలేదు. అయితే చివరగా తెలిసింది ఏంటంటే.. ఇలా ఎటువంటి హంగామా లేకుండా ఈవెంట్‌ ను చేసి.. దీనికి కోట్లు ఖర్చయినట్లు రిజిష్టర్లలో చూపించి.. ఆమ్యామ్యామ్యా.. అది సంగతి.