ష‌కీరా అంత ప‌ని చేసిందా!!

నడుమును స్ర్పింగులా తిప్పుతూ... పాప్ ప్ర‌పంచాన్ని త‌న చుట్టూ తిప్పుకుంది ష‌కీరా. ఆమె ఆల్బ‌మ్స్ అంటే చెవి కోసుకునే వారు ప్ర‌తి దేశంలోనూ ఉంటారు. ఇద్దరు బిడ్డ‌ల‌కు త‌ల్లి అయినా కూడా ఆమెలో అందం అరంగుళం కూడా త‌గ్గ‌లేదు. ఆమెకున్న క్రేజ్‌ లో ఏ మాత్రం మార్పు లేదు. అలాంటి ష‌కీరా... ఏం చేసిందో తెలుసా? ఆమె ద‌గ్గ‌ర డ‌బ్బుల్లేవా ఈ ప‌ని చేయ‌డానికి?

ష‌కీరా ఆస్తి ఇంతా అంతా కాదు. రెండు వంద‌ల మిలియ‌న్ డాల‌ర్ల ఆస్తి ఆమెది. కొలంబియాలో పుట్టి పెరిగిన ష‌కీరా... త‌న బెల్లీ డ్యాన్స్ - పాప్ పాట‌ల‌తో ప్ర‌పంచాన్ని మైమ‌రిచేలా చేసింది. బోలెడంత అభిమానుల‌తో పాటూ ఆస్తిని సంపాదించింది. త‌రువాత స్పెయిన్ సాక‌ర్ ఆట‌గాడు గెరార్డ్ పికీ తో స‌హ‌జీవ‌నం చేయ‌సాగింది. 2011 నుంచి వీరిద్ద‌రి బంధం కొన‌సాగుతోంది. వీరికి ఇద్ద‌రు కొడుకులు కూడా ఉన్నారు. కాగా 2015లో ఆమె స్పెయిన్‌ లోని బార్సిలోనాలో స్థిర నివాసం ఏర్ప‌ర‌చుకుంది. అక్క‌డే త‌న కుటుంబంతో క‌లిసి నివ‌సిస్తోంది. అయితే ఆమె అంత‌కుముందు నుంచే స్పెయిన్‌ లో ఉంటున్న‌ట్టు అక్క‌డి అధికారుల‌కు ఆధారాలు దొరికాయి.

2011 నుంచి 2014 వ‌ర‌కు కూడా ఆమె అక్క‌డే ఉన్న‌ట్టు ఇన్‌ కం ట్యాక్స్ వ‌ర్గాల‌ను అనుమానం వ‌చ్చింది. ఆ స‌మ‌యంలో ఆమె స్పెయిన్ ప్ర‌భుత్వానికి క‌ట్టాల్సిన ఇన్‌ కం ట్యాక్స్‌ ను కూడా ఎగ్గొట్టింద‌ట‌. ఆ మూడేళ్ల‌కు గాను ష‌కీరా స్పెయిన్‌కు క‌ట్టాల్సిన ట్యాక్స్ భారీ మొత్త‌మేన‌ట‌. ప్ర‌స్తుతం ఆమె 2011 నుంచి 2014 వ‌ర‌కు స్పెయిన్‌ లో ఉందో లేదో తేల్చేందుకు ఇన్వెస్టిగేష‌న్ జ‌రుగుతోంది.

ష‌కీరా త‌ర‌పు ప్ర‌తినిధులు మాత్రం ఆమె స్పెయిన్‌ లో లేద‌ని, ఎక్కువ కాలం టూర్ల పేరుతో తిరుగుతూనే ఉంద‌ని చెబుతున్నారు. ఏది నిజ‌మో ఇన్వెస్టిగేష‌న్‌ లో తేలిపోతుంది క‌దా.