మహేష్ సినిమా ప్రీ రిలీజ్ ఈవెంట్.. స్పెషల్ ఇదే

సూపర్ స్టార్ మహేష్ బాబు తాజా చిత్రం 'మహర్షి' విడుదలకు ఇప్పటికే కౌంట్ డౌన్ మొదలైంది. ఫ్యాన్స్ అయితే సినిమాను ఎప్పుడెప్పుడు చూసేద్దామా అని ఆసక్తిగా ఎదురు చూస్తున్నారు. ఇక ఫిలిం మేకర్స్ 'మహర్షి' ప్రీ రిలీజ్ ఈవెంట్ కు జోరుగా సన్నాహాలు చేస్తున్నారు. సాధారణంగానే మహేష్ సినిమా అంటే ప్రీ-రిలీజ్ ఈవెంట్ భారీ రేంజ్ లో జరుగుతుంది. ఈసారి మహేష్ కెరీర్లో ప్రత్యేకమైన 25 వ చిత్రం కావడంతో ఈవెంట్ ను మరింత స్పెషల్ గా జరిపేలా ప్లాన్ చేస్తున్నారట.

మహేష్ తో ఇప్పటివరకూ పాతిక సినిమాలకు పనిచేసిన దర్శకులందరినీ ఈ ఫంక్షన్ కు ఆహ్వానించారని ఇప్పటికే గుసగుసలు వినిపిస్తున్నాయి. అయితే అందరికీ ఫంక్షన్ కు హాజరుకావడం వీలవుతుందో తెలియదు. ఒకవేళ వారికి ఏదైనా షూటింగ్ ఉన్నా.. లేకపోతే మరో ఊర్లో ఉన్నా హాజరుకాలేరు కాబట్టి అందరూ దర్శకుల నుండి వీడియో బైట్స్ తీసుకోవాలని ప్లాన్ చేశారట. మహేష్ తో పనిచేసిన ఆ దర్శకులు చెప్పే ముచ్చట్లను ప్రీ రిలీజ్ ఈవెంట్ లో ప్రదర్శిస్తారట. ఇలా చేస్తే ఒకవేళ ఏ దర్శకుడైనా ఫంక్షన్ కు హాజరుకాలేని పక్షంలో లోటు అనిపించదు.

ఇదిలా ఉంటే 'మహర్షి' ఈవెంట్ కు హాజరు కానున్న ముఖ్య అతిథులు ఎవరనే విషయంపై ఇంకా క్లారిటీ రాలేదు. ఈ విషయంలో స్పెక్యులేషన్ల జోరు మాత్రం మామూలుగా లేదు. రామ్ చరణ్.. ఎన్టీఆర్ కలిసి హాజరవుతారనే టాక్ వినిపిస్తోంది. మహేష్ లాస్ట్ సినిమా 'భరత్ అనే నేను' ఈవెంట్ కు యంగ్ టైగర్ ఎన్టీఆర్ ముఖ్య అతిథిగా హాజరయ్యాడు. మరి ఈ సారి మహేష్ కార్యక్రమానికి కు ఎవరు ఛీఫ్ గెస్ట్ గా వచ్చి అల్ ది బెస్ట్ చెప్తారో!