మహేష్25 పై రోజుకో స్టోరీ!!

మహేష్ బాబు కొత్త సినిమా అంటే జనాలు అందరిలోనూ ఆసక్తి ఉంటుంది. ఫ్యాన్స్ మాత్రమే కాదు.. కామన్ ఆడియన్స్ లో కూడా క్యూరియాసిటీ కనిపిస్తుంది. ఫ్యామిలీ కంటెంట్ ను అందించడంలో ఈ హీరోకు మంచి గుర్తింపు ఉంది. అలాగే ప్రయోగాలు చేయడంలో కూడా పేరుంది.

ఇప్పుడు మహేష్ తన కొత్త ఫిలిం షూటింగ్ స్టార్ట్ చేయాల్సి ఉంది. వంశీ పైడిపల్లి దర్శకత్వంలో రూపొందనున్న మహేష్ బాబు 25వ చిత్రం.. కొన్ని లీగల్ అంశాల కారణంగా ఇంకా షూట్ బిగిన్ కాలేదు. మరికొన్ని రోజుల వ్యవధిలోనే ఈ చిత్రాన్ని సెట్స్ పైకి తీసుకెళ్లేందుకు గ్రౌండ్ ప్రిపేర్ అయింది. అయితే.. ది మోటార్ సైకిల్ డైరీస్ అంటూ గతంలో వచ్చిన ఆస్ట్రేలియన్ సిరీస్ ఆధారంగా మహేష్ క్యారెక్టరైజేషన్ ఉంటుందనే టాక్ ఇప్పుడు వినిపిస్తోంది. గతంలో కూడా ఆ సినిమా నుంచి స్ఫూర్తి.. ఈ సినిమాకు రీమేక్- ఫ్రీమేక్ లాంటి మాటలు వినిపించినా వాటిని దర్శకుడు వంశీ పైడిపల్లి కనిపించాడు.

కానీ వంశీ పైడిపల్లి ఫారిన్ ఫిలిమ్స్ నుంచి బాగానే ఇన్ స్పైర్ అవుతుంటాడు. ఎవడు చిత్రానికి హాలీవుడ్ మూవీ ఫేస్ఆఫ్ స్ఫూర్తి. అలాగే ఊపిరి మూవీని ఫ్రెంచ్ ఫిలిం ది ఇన్ టచబుల్స్ కు రీమేక్ గా తీశారు. ఇప్పుడు మహేష్ సినిమాను ఆస్ట్రేలియన్ సిరీస్ నుంచి థీమ్ తీసుకోవడంలో పెద్దగా ఆశ్చర్యమేమీ లేదు. కాకపోతే.. గతంలో మాదిరిగా కాకుండా.. ఊపిరి విషయంలో రీమేక్ అని చెప్పేశారు. సో.. ఒకవేళ ఇలాంటివి ఏమైనా ఉంటే దర్శకుడు ఓపెన్ గానే చెప్పే అవకాశాలున్నాయి. అప్పటివరకూ వచ్చేవన్నీ రూమర్స్ మాత్రమే.