సీనియర్ హీరో నగ్న అవతారం

రోడ్ల మీదే ఒంటి మీదున్న దుస్తులను ఒక్కోదాన్నీ తొలగిస్తూ.. స్ట్రిప్ టీజింగ్ చేయడం చాలాసార్లు జరిగేదే. కానీ ఇది ఓ టాలీవుడ్ సీనియర్ హీరో స్టోరీ. నగ్న అవతారాలకు ఈయన బాగా ఫేమస్. సీనియర్లకు ఈ విషయం బాగానే తెలుసు కానీ.. కొత్త వాళ్లకు అంత తొందరగా మింగుడు పడ్డం కష్టం. షూటింగ్ లకు వేరే ప్రాంతాలకు వెళ్లినపుడు తనకు పర్సనల్ గా వేరే రూం కావాలని అడుగుతాడీయన. వేరే ఎవరితోనూ రూమ్ షేర్ చేసుకోవడానికి అంగీకరించడు. ఇందుకు కారణం ఆయన బాహాటం గానే చెప్పేస్తూ ఉంటాడు.

ఒంటిపై బట్టలు లేకుండా నగ్నంగా రూమ్ లో తిరగడం తనకు అలవాటని.. దీనికి సిద్ధమైతే రూమ్ షేర్ చేసుకోవడానికి అభ్యంతరం లేదని కూడా చెబుతాడాయన. ఒకవేళ ఎవరైనా ఆయన రూమ్ డోర్ కాలింగ్ బెల్ కొట్టారంటే.. ఇక ఆయన నగ్న విశ్వరూపం దర్శించాల్సిందే. ఆ సమయంలో ఎదురుగుండా ఉన్నవాళ్లు భయపడి అరవడం కూడా సహజమే. వ్యక్తిగతంగా ఆయన గురించి తెలిసిన వాళ్లకు ఇది అలవాటైపోయింది కానీ.. కొత్తోళ్లకు జీర్ణించుకోవడం కాసింత కష్టమైన విషయం. మగవాళ్లే కాదు... మహిళలకైనా ఇదే రూపాన్ని ఏ మాత్రం సిగ్గుపడకుండా చూపించేస్తారాయన.

ఇలాగని ఇతరులను ఇబ్బంది పెట్టే మనస్తత్వం కాకపోవడం విశేషం. వ్యక్తిగతంగా ఈయనకు చాలా మంచి పేరు ఉంది. అయితే.. ఇలా రూమ్ లో నగ్నంగా తిరగడంపై.. ఆయన దగ్గర పెద్ద ఫిలాసఫీ ఉంది. దీనిపై బోలెడన్ని క్లాసులు కూడా ఇస్తుంటారు ఆ సీనియర్ స్టార్.