మహేశ్-శ్రీముఖిలకు గట్టిగా పడిందిగా...

గత రెండు - మూడు ఎపిసోడ్లుగా చప్పగా సాగుతున్న బిగ్ బాస్ షో...గురువారం రసవత్తరంగా సాగింది. ఒక ఇంటి సభ్యుని గురించి మిగతా ఇంటి సభ్యులు ఏం గుసగుసలాడుకున్నారో - వాటి వీడియోలు ప్లే చేసి చూపించి ఓ టాస్క్ ఇచ్చారు. ‘టాస్క్ హంట్ అండ్ హిట్‌’ పేరిట జరిగిన ఈ టాస్క్ లో మొదట బాబా భాస్కర్ పాల్గొన్నారు. బాబాకు...తన గురించి రాహుల్ - వరుణ్ - వితికా - అలీలు ఏం గుసగుసలాడారో వీడియో చూపించారు. దీంతో బాబా - అలీ మాటలకు ఎక్కువ హార్ట్ అయ్యి - అతడిని పిలిచి మాట్లాడారు.

తర్వాత గార్డెన్ ఏరియాలో ఉన్న దిష్టిబొమ్మ కుండకు అలీ ఫోటో పెట్టి - ఆ కుండని కసి తీరా కర్రతో పగలగొట్టారు. ఈ టాస్క్‌లో భాగంగా నెక్స్ట్ శ్రీముఖి వెళ్లింది. ఆమె గురించి మహేశ్ - అలీ - శివజ్యోతి ఏం మాట్లాడుకున్నారో వీడియో చూపించారు. దీంతో శ్రీముఖి మొదట అలీని పిలిచి తన అభిప్రాయాన్ని గట్టిగా చెప్పింది. అలాగే వీడియోలో మహేశ్ మిగతా ఇంటి సభ్యులతో తన గురించి నెగిటివ్‌గా మాట్లాడటంపై సీరియస్ అయింది. వెంటనే మహేశ్‌ ని పిలిచి ఏం చెప్పకుండా అతని ఫోటో పెట్టి కుండని గట్టిగా పగలగొట్టేసింది.

ఇక తర్వాత మహేశ్ వంతు వచ్చింది. తన గురించి శ్రీముఖి నెగిటివ్ గా మాట్లాడిన విషయాలని వీడియోలో చూపించారు. దాంతో మహేశ్..శ్రీముఖి తల ఉన్న కుండను పగలగొట్టి రివేంజ్ తీర్చుకున్నాడు. ఇక ఆ తర్వాత శివజ్యోతి.. రాహుల్ ఫొటో ఉన్న కుండను - వరుణ్- వితికా అలీ కుండను - రాహుల్.. మహేష్ విట్టా ఫొటో ఉన్న కుండను - అలీ.. శ్రీముఖి ఫొటో ఉన్న కుండను పగలగొట్టేసి కసి తీర్చుకున్నారు. అనంతరం ఇంటి సభ్యులు బిగ్ బాస్ పుట్టినరోజు వేడుకలని చేశారు. వారికి బిగ్ బాస్ పెద్ద కేక్ పంపించాడు. ఆ కేక్ ని మొహం మొత్తేసే వరకు తిన్నారు.